Onda Ti navega nas ondas

Comezamos a sexta temporada de Onda Ti, xa queda un pouco lonxe o nacemento do programa en pleno confinamento, pero durante este tempo asistimos a unha evolución desta peza, na que cada vez toma máis protagonismo o alumnado e que facemos coa mesma ilusión que no 2020. No episodio que inaugura esta temporada  publicamos moitos dos produtos radiofónicos que imos gravando durante o trimestre no estudio de Emilia na Onda, atoparemos seccións tradicionais desde hai un lustro, nas que as vosas voces son o máis importante.

Protagonistas da vosa historia

Presentamos a guía de lectura do mes de decembro, na que propoñemos libros que consideramos interesantes e neste caso moitos deles están relacionados co cine, xa que tiveron unha adaptación audiovisual. Atoparedes obras para todos os niveis de lectura. Están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos.

Lembramos que a selección de obras de non ficción para "Un cole de cine", que están relacionadas coa temática desde diversas perspectivas, está publicada na páxina do catálogo da nosa biblioteca.

Obradoiro "Pintando historias"

No mes de decembro comezamos un novo obradoiro que chamamos "Pintando historias" na que pretendemos achegarnos ao mundo da fotografía, tan importante no desenvolvemento do cine, e que nos permitirá introducirnos en diversas historias. Utilizamos a técnica de Light painting para xuntar arte, fotografía e literatura.

Luces, cámara...pregunta!

Xa temos ás novas gañadoras/es do concurso do mes de decembro, lembrade pasarvos pola biblioteca para coller o voso libro e desfrutar del no Nadal. En xaneiro publicaremos unha nova edición de "Luces, cámara...pregunta". Xa están publicadas as respostas no corredor do colexio e tamén nesta entrada.

A YEAR OF FILMS: Comedy and Christmas

The latest session of our book clubs has been dedicated to a very particular genre: CHRISTMAS.  The arrival of this time of the year brings an atmosphere of charm and magic, which is well reflected in books and films. These special stories transport us to worlds of glistening snow, twinkling lights and warm hearts as we explore beloved characters and cherished values that illuminate the Christmas spirit. So our chosen stories have been "The snowman" by Raymond Briggs, "The little match girl" by Hans Christian Andersen and "A Christmas carol" by Charles Dickens, all of them timeless and tender. But we wanted to take a step beyond, inviting the British comedian Rowan Atkinson (better known as Mr. Bean) to see his peculiar vision of Christmas. And the experience has been hilarious!

"Estamos en obras" IV

Hoxe visitou a biblioLab o grupo de 4ºB de Educación Infantil. A visita destes artistas produciuse para realizar con diverso material unha instalación artísitica dentro dos obradorios da biblioteca "Estamos en obras". Esta obra estará exposta ata o próximo mércores. Ao principio o material estaba disposto dun xeito que eles decidiron titular como "O circo".

Luces, cámara...pregunta!

Rematado o mes de novembro publicamos as respostas correctas ás cuestións que planteamos nesta primeira ronda do concurso, o solucionario está no final desta entrada. Todos os que participastes podedes pasar pola biblioteca para comprobar se as vosas respostas foron correctas e recoller o voso agasallo.

Aproveitamos para anunciar que xa podedes participar na ronda do mes de decembro. Neste mes teredes que procurar as imaxes expostas no corredor de entrada (cada unha cun número para identificalas) e teredes que utilizar a folla de respostas, que poderedes coller en calquera dos espazos da biblioteca e responder ás preguntas que se plantean. Este mes están relacionadas coa literatura e o mundo do cine.Presentamos a personaxes de películas de animación que xurdiron dun libro, para posteriormente transformarse nunha obra audiovisual. Para participar no concurso teredes que atopar primeiro o nome da personaxe, logo o título do libro (todos están na biblioteca), o título da película e o por último o nome do autor/a do libro.

VenreXperimentos de decembro

Esta semana remataron os experimentos de novembro coa exploración dos efectos da luz e a tensión superficial na auga por parte do alumnado de 1º de Educación Primaria e damos comezo ás experiencias que se realizarán no mes de decembro, no que o alumnado dos diferentes grupos de cuarto de Educación Primaria elaborará a súa propia postal de Nadal que se iluminará cun led, aprendendo tamén as nocións e funcionamento dun circuíto eléctrico.

"Estamos en obras" III

Esta semana visitou a biblioLab o grupo de 6ºA de Educación Infantil. A visita destes artistas produciuse para realizar con diverso material unha instalación artísitica dentro dos obradorios da biblioteca "Estamos en obras", esta obra estará exposta ata o próximo luns. Ao principio o material estaba disposto dun xeito que eles decidiron titular como "A pizza".

Unha nova viaxe...

Segunda sesión de ENRE2 EPB na que nos seguimos movendo pola natureza, hoxe comezamos unha viaxe cun home vello que percorrerá, ademais dun camiño pola contorna natural, un camiño pola súa propia vida, na que terá que enfrontarse a diferentes situacións, algunhas moi alegres e outras non tanto.

Conexión Familiar

Volvemos a poñer en marcha a proposta de préstamos de lotes de libros dirixidos ás familias dentro do programa "Lectura e Familias", definida como "Conexión familiar: atopa respostas ás túas preguntas". Esta actividade comezou o curso pasadoe agradecemos a acollida dela xa que as mchilas estiveron en movemento desde o comezo da iniciativa, por este motivo neste curso decidimos ampliar a oferta de lotes.

Nesta acción poñeremos a disposición de todas as familias do noso centro 10 mochilas temáticas con fondos que acheguen información sobre diferentes aspectos, que esperamos que poidan servos de utilidade.

"Estamos en obras" II

Novo obradoiro creativo de "Estamos en obras" no que o segundo grupo da aula de 6ºB realizou, coa súa mestra Mar, unha nova instalación, que estará aberta ata o próximo mércores. Nesta actividade o respecto é fundamental, por iso tratamos que os artistas pidan o material e xustifiquen para que o necesitan, que desenvolvan valores ademais da súa creatividade. Os artistas comezaron pensando no que podían crear, tiveron que compartir o material que estaba á súa disposición e que formaba nun principio "A selva das casas".

Logo "Un cole de cine"

O 24 de outubro comezamos a desenvolver as actividaes relacionadas co proxecto, un delas foi a convocatoria de ideas para definir a imaxe que identificaría ao proxecto de "Un cole de cine" durante o curso. Tras unha decisión moi difícil pola calidade das propostas recibidas por parte do alumnado este foi o deseño escollido realizado por Alicia, unha alumna de 6ºC de EP, o resto de deseños están pendurados na entrada do colexio.

Moitas grazas polas vosas ideas!

Luces, cámara...pregunta!

Comeza o concurso "Luces, cámara...pregunta!" no que, dentro do Proxecto Documental Integrado "Un cole de cine", aprenderemos sobre diferentes cuestións sobre o cinema. Neste mes, coincidindo con "Novembro mes da ciencia en galego", a actividade consistirá en ordenar e emparellar o aparato que se utilizaba no cine ou no precine co seu nome, a persoa que o creou e o ano no que o fixo.

Obradoiros creativos "Estamos en obras"

Este venres comezamos os obradoiros "Estamos en obras", nos que o alumnado de Educación Infantil será protagonista de diferentes propostas relacionadas coa creatividade e co arte. Estas actividades desenvolveranse nos espazos da biblioteca durante todo o curso.

O venres 8 de novembro a mestra Mar comezou cunha instalación artística co alumnado de 6ºEI no que foron realizando a súa obra con calma e transformándoa de xeito colaborativo. No espazo de xogo comportáronse, como din Javier Abad e Ángeles Ruíz, como habitantes que transformaron e corporeizaron o espazo, pero no que tamén contaron unha historia, unha narración que foi evolucionando desde o comezo ata o final da actividade.

A YEAR OF FILMS: Horror

Christopher Lee, the British actor who played the best Dracula of all times, led us through the genre of HORROR in our latest session of "A year of films". Why is horror so attractive for us? Well, scary stories help us understand difficult situations of real life and how to deal with them. After naming the main features of vampires in general and of Dracula in particular, we first read a spooky but funny short story, "Skeleton hiccups" by Margery Cuiler, and we finished the reading of  "Halloween horror", by Gina D.B. Clemen. Terrifying!!! Then, we watched the trailer of  "Hotel Transylvania", whose main protagonist is Dracula in the role of a loving father, always worried about his daughter.

Ready to bite your fingernails and jump oot of the sofa? Click to watch this TRAILER.

Concurso de Microrrelatos 2024

Presentamos as obras seleccionadas no Concurso de Microrrelatos de 2024 nas categorías de Ilustración (Educación Infantil), Primeiros lectores (1º e 2ºEP), Lectores autónomos (3 e 4ºEP) e Lectores Expertos (5º e 6ºEP). A entrega dos premios ás gañadoras /es realizarase o próximo luns 11 de novembro no Salón de Usos Múltiples do centro ás 12h., na que se incluirá a lectura das obras gañadoras pola súa autora.

VenreXperimentos bota a andar

Comeza novembro e como todos os cursos celebramos o mes da ciencia en galego. Desde a Consellería de Cultura, Educación e Universidade, en colaboración coa Secretaría Xeral de Política Lingüística, vense impulsando esta celebración nas propias bibliotecas. Editan un manifesto co que dar visibilidade a esta conmemoración, este ano elaborado por Felipe Criado-Boado, arqueólogo, Profesor de investigación del CSIC e director do Instituto de Ciencias do Patrimonio do CSIC, con sede en Santiago.

ENRE2 EPB está de volta

Comezou a segunda edición de ENRE2 EPB, o club de lectura de ficción dixital, na que nos achegaremos a diferentes videoxogos. Os obxectivos serán que os nenos/as coñezan outra concepción dos xogos, nos que as paletas de colores, o modo de xogar, a música, a interrelación entre o xogador/a e o xogo, en definitiva, achegarnos a diferentes temas desde un punto de vista artístico.

Un cole de cine

O Proxecto Documental Integrado este curso estará enfocado na investigación sobre diferentes aspectos relacionados co cine, así o nome co que nos identificaremos será “Un cole de cine”, como cursos pasados seguiremos achegándonos aos ODS2030. 

Estamos colocando a exposición permanente no corredor de entrada ao centro coas obras relacionadas co tema, que iremos actualizando ao longo do curso, así como os recursos seleccionados na web aos que iremos sumando novas referencias durante o desenvovemento do proxecto.

Nas aulas apareceron unhas caxiñas con entradas que conteñen a presentación do proxecto e coas propostas que realizamos para comezar a aprender sobre o cine.

Dia das bibliotecas

Como cada curso celebramos o Día das bibliotecas, que se celebra desde 1997 o 24 de outubro. Esta celebración está promovida pola Asociación de Amigos do Libro Infantil y Juvenil. O lema escollido para este curso é "Por un futuro sostible", que segundo a Dirección General del Libro, del Cómic y de la Lectura, a través de la Subdirección General de Coordinación Bibliotecaria pretende destacar el papel fundamental que desempeñan todas las tipologías de bibliotecas (públicas, escolares, universitarias, especializadas y nacionales/regionales) en la consecución de los Objetivos de Desarrollo Sostenible de la Agenda 2030.

Desde o noso centro queremos dar visibilidade ao papel das bibliotecas de diferente tipo, e que este curso celebrarémolo realizando a primeira actividade de "A amizade nun libro", na que alumnado dos últimos cursos de Educación Primaria compartirán lecturas co alumnado de Educación Infantil e dos dous primeiros cursos de Educación Primaria. Desde a semana pasada o alumnado foi coñecendo aos seus amigos/as de lectura e seleccionando as obras que compartirán esta mañá.

Concurso microrrelatos Día das escritoras

O próximo 16 de outubro conmemoraremos o Día das escritoras, que estiveron de celebración o luns 14 de outubro. Por este motivo, queremos convidarvos a que participedes nesta IV edición do concurso de escritura creativa de microrrelatos, o alumnado escribiraos durante a xornada escolar, o resto da comunidade educativa poderá entregalos, a través do correo bibliotecaepb@gmail.com, ata o día 25 de outubro.

Nesta entrada tedes as bases de participación, que está aberta a todos os membros da comunidade educativa. O texto deberá incluír a frase dun artigo de Emilia Pardo Bazán, que nesta edición é "O público descálzase de risa ou pásmase de admiración" (Fragmento tirado dun artigo escrito por Emilia Pardo Bazán no nº 1406 de “La Ilustración artística” na sección “La vida contemporánea” -1908-).

BOOKLAND & BOOKWORMS: We are back!

 We are back! Today we have had the first session of our book clubs and it has been a complete success! 

Our topic of this school year is the cinema, following the indications of the school PDI. Under the title "Read and watch: A year of films", we will discover new books and their adaptations for the big screen. Besides, a film celebrity will guide us in this amazing tour. It is undeniable that books and films have been always hand in hand.  Stories come in different ways and formats. There is no one better than the other, it is just a question of preferences.

Apertura de inscrición aos Clubs de lectura

Este curso seguimos desenvolvendo actividades relacionadas coa lectura en horario extraescolar polas tardes.

Presentámosvos os diferentes Clubs de Lectura e Diálogo aos que poderedes inscribirvos. A continuación tedes toda a información de cada unha destas actividades organizadas dependendo o curso no que esteades este ano.

Esta preinscrición deberá confirmarse coa entrega do formulario de inscrición que vos  entregará a mestra mediadora dos respectivos clubs. Esta entrada actualizarase periodicamente para informar dos clubs que esgotaron xa as súas prazas.

Aniversario de Emilia Pardo Bazán

A pasada semana retomas as clases, o mércores participamos da festa de benvida con diferentes postos para a lectura e para gozar aprendendo cos robots e coas pezas de construción.

Hoxe celebramos o aniversario de Emilia Pardo Bazán cunha homenaxe decorando unhas máscaras que inclúen unha biografía da autora que dá nome ao noso colexio. Nesta entrada publicaremos as imaxes nas que todo o centro lle cantará o Feliz aniversario! e tamén leremos a biografía lucindo as nosas máscaras. Lembrámosvos que podedes aprender sobre Emilia Pardo Bazán no PDI "Paseando con Emilia".

Onda Ti edición verán

Remata a 5ª temporada de Onda Ti gravada no noso estudio de Emilia na Onda e nos espazos do colexio. Neste último programa do curso poderedes escoitar en primicia os audios das diversas seccións do programa. Preparados para desfrutar de máis 90' de radio?

Compartimos coñecemento

Onte pechamos o proxecto deste curso que adicamos a aprender e descubrir os bosques e montes de Galicia. A intención era colocar e explicar os carteis ao longo co camiño ao monte de San Pedro, pero debido á chuvia tivemos que facelo no pavillón de Los Rosales. Estes son os carteis que temos preparados coa información para que sexa descuberta polos camiñantes ata o monte, no que poderán atopar especies de árbores autóctonas, especies invasoras, flores, especies do bosque submarino, ata como facer un herbario.

A radio na biblio

Presentamos os podcast que realizou o alumnado e profesorado dos grupos de 5º de EP xunto co equipo de Laboratorio de radio, dentro do programa Radio na Biblio.

Este traballo coa radio como medio serviulle ao alumnado para desenvolver o traballo en equipo, diversos contidos do currículo das diferentes áreas, procurar información, analizala, transmitila, pero sobre todo para gozar facendo radio xuntos desde o colexio. Grazas a todas as persoas convidadas que colaboraron no desenvolvemento destas pezas e parabéns para o alumnado, profesorado e ao equipo de Laboratorio de radio.

Talleres coa luz negra

Presentamos os novos obradoiros para Educación Infantil coa luz negra e tamén o contacontos Círculo de Mac Barnett e Jon Klassen.

Un verán entre as follas

O curso remata e queremos compartir con vós algunhas recomendacións de lecturas para este verán, no que vos poderedes perder entre as follas dos libros baixo as follas das árbores dos nosos bosques e montes. Como en anteriores ocasións están ordenadas por niveis de lectura, desde prelectores ata lectores expertos. poderedes atopar diferentes xéneros en diferentes idiomas, ademais, nesta edición incluímos as recomendacións dos nenos/as que acuden ao club de ficción dixital ENRE2 EPB . Agardamos que vos resulten interesantes!

Encontro con Xurxo Souto

O pasado mércores 12 de xuño celebramos a última xornada de Lectura e familia coa actuación no centro de Xurxo Souto, na que compartiu moitas das súas historias da Coruña. Aproveitamos a ocasión para despedir o ano dos clubs de lectura do centro.

Leóns dourados

O mércores todo o centro puido felicitar ao alumnado que máis libros levou emprestados da biblioteca durante o curso. En cada nivel houbo un premio e  recibiron un grande aplauso do resto de compañeiras/os.

Filosofía lúdica na biblioteca: "Espellos poéticos dialogando"

Por que ofertamos, como actividades extraescolares, Diálogos Filosóficos? Sabemos que o diálogo, se se fai ben, axuda ao noso alumnado para aprender a pensar porque teñen que compartir as súas ideas, argumentalas e dar boas razóns sen pretender convencer. E fano xunto aos seus compañeiros/as, escoitándoos/as e aceptando que, aínda que pensen de forma distinta, poden ter razón.

Queremos saber a vosa opinión

Tras o peche da biblioteca queremos coñecer a vosa opinión sobre distintos aspectos  e valoración tanto do traballo do equipo de biblioteca como dos servizos que se propuxeron desde a biblioteca durante este curso

Pedímosvos uns minutos do voso tempo para que contestedes ás preguntas do formulario e nos axudedes a mellorar para próximos cursos.

Peche da biblioteca

Hoxe pechamos a biblioteca por este curso, agora o alumnado voluntario e as mestras do equipo de biblioteca prepararemos todos os recursos para que o próximo curso poidamos volver a utilizalos, así ordenaremos, repararemos e expurgaremos aqueles fondos que están deteriorados.

Esperámosvos o próximo curso!

Taller de palmas

Durante este mes Vanessa, Yvonne, Laura e Anais fixeron un Taller de palmas para alumnado de 4°-5°-6° EP no que ademais de aprender a técnica correcta de dar palmas tambén aprenderon algunhas cancións, prazas esgotadas!

Luz negra na biblioLab

Atentas/os! Hai nova zona de experimentación na biblioLab, xa podedes ver o que pasa coa luz negra cando está todo ás escuras. As mestras vos están preparando diferentes actividades para que disfrutedes e aprendades con este novo recurso.

Encontro con Andrea Maceiras

Esta semana recibimos a Andrea Maceiras para conversar co alumnado de 6ºEP sobre as obras que leron ao longo do curso. Ademais de comentar sobre as personaxes, o proceso de creación literaria tamén se achegaron á profesión de escritora e algunhas cuestións personais da autora.

GLOBETROTTERS: New Delhi

Our tour is coming to an end! We have just visited New Delhi, where we had the chance to enjoy the scents and colours of this exotic city while we moved around by tuc-tuc: the India Gate, the Garden of 5 Senses, the Lotus Temple and the magnificent Taj Mahal with its romantic story. Such an experience! In our dead time we read the exciting "Charlie and the great fire of London", as long as "The borrowers", both of them linked to India. What else? We also brought a friendly couple with us: Dinkar and Babita, language assistants in Sada, our neighbour town. We had the honour to receive them in our school and learn more about their customs and traditions such as the food, flag, currency, religion, flora, fauna and spices. They even gave us a jar of curry, a bag of scented petals and some Marigold seeds as a memory if their visit. Thank you so much for your enthusiasm and commitment! You are now part of our family of English speakers!

Os VenreXperimentos rematan

Hoxe remataron os VenreXperimentos deste curso. Ao longo destes meses pasou pola biblioLab alumnado de todos os cursos e grupos de Educación Primaria, e puideron achegarse á ciencia e a experimentos cos que, ademais de aprender, tamén puideron divertirse. Agradecemos a Salvador que desenvolvese esta actividade con tanto agarimo e ao alumnado voluntario da biblioteca por axudarnos os venres de cada mes a desenvolver cada experiencia.

Así foi a semana do libro

Ao longo da semana pasada celebramos a Semana do libro con diferentes accións que tiveron por obxectivo facernos pensar que é un libro para nós, compartir libros e lecturas cos demais e tamén crear obxectos e elemrntos artísticos relacionados cos libros. Deste xeito:

Obradoiro de Lectura e familia

Dores Tembrás achegounos hoxe na biblioLab á poesía en familia a través do obradoiro "Recortando palabras que son paxaros", co que conseguiu que compartísemos a tarde nenos/as, familias e profesorado. estas son algunhas mostras do ben que o pasamos esta tarde...

Semana do libro

A próxima semana celebraremos que o próximo 23 de abril celébrase o Día do Libro, por este motovo nos espazos da biblioteca desenvolveremos diversas actividades de conmemoración deste día.

Axentes forestais no centro

O xoves 11 de abril visitáronnos axentes forestais da Consellería de Medio Rural, que nos falaron sobre o seu traballo e tamén concienciarnos no coidado dos nosos montes e bosques. Ademais da charla que tivemos na biblioLab para o alumnado de 6º de EP, tamén puideron visitar e aprender sobre o funcionamento da motobomba e o equipamento persoal necesario dos bombeiros forestais para a extinción de incendios. Algúns dos momentos desta xornada...

Recortando palabras que son paxaros

O próximo xoves 25 de abril realizarase a primeira xornada de obradoiros de Lectura e familias na que contaremos con Dores Tembrás para que nos axude a introducir a poesía nas nosas casas. Esta actividade está aberta a alumnado de 3º a 6º de Educación Primaria, que deberá vir acompañado dun adulto a esta actividade, na que tamén se realizará un produto creativo, polo que teredes que traer o material que se indica. Hai 15 prazas para alumnado, para inscribirse haberá que cubrir este formulario.

GLOBETROTTERS: Dublin

The Globetrotters tour is an amazing adventure full of surprises! We recently travelled by hovercraft to Dublin, the capital of Scotland, to meet the Irish consul in Spain, who escorted us through the "streets broad and narrow" of this vibrant city, following the steps of Oscar Wilde and our dearest Molly Malone. We had the chance to visit St. Patrick´s Cathedral, Dublin castle, the Trinity Collage and the Book of Kells. Besides, we could play in the garden dedicated to The selfish giant, one of our readings, along with The happy prince. Both stories were first published in 1888  The happy prince and other tales, a collection of 5 fairy tales for kids which transmit love, friendship and compassion. 

Obradoiros de poesía con Dores Tembrás

O alumnado de 6ºEP estivo o venres experimentando coa poesía con Dores Tembrás a través do obradoiro de "Poesía e Grafitti" exploraron este xénero literario e tamén as súas emocións nunha xornada na que este xénero literario engaiolou a alumnado e profesorado.

Onda Ti versión primavera

Programa que coincide co inicio da primavera e coa semana da poesía no que aproveitamos para publicar diversos produtos sonoros que se foron gravando no estudio de Emilia na Onda ao longo do trimestre.

Encontro con Antonio Sandoval

O mércores desta semana aprendemos con Antonio Sandoval sobre as aves da nosa contorna e coñecímolo un pouco mellor coa entrevista que lle fixo o alumnado de 6º de EP.