Taller de palmas

Durante este mes Vanessa, Yvonne, Laura e Anais fixeron un Taller de palmas para alumnado de 4°-5°-6° EP no que ademais de aprender a técnica correcta de dar palmas tambén aprenderon algunhas cancións, prazas esgotadas!

Onda Ti episodio 3

Remata a 4ª temporada de Onda Ti gravada integramente no novo estudio. Neste último programa do curso poderedes escoitar en primicia os audios das diversas seccións do programa e ademais a música do Coro das emocións. Preparados para desfrutar de case 90' de radio?

Onda Ti episodio 2

Finaliza o segundo trimestre e chega o segundo episodio da 4ª temporada de Onda Ti, xa chegamos ao programa número vinte! Nestes meses no estudio de Emilia na Onda fomos gravando e realizando diversas gravacións que nalgúns casos xa foron sendo publicadas na canle, pero noutros poderedes escoitalas por primeira vez neste programa. Atentos/as porque vos agardan seccións coas que esperamos que desfrutedes. 

Volve Onda Ti - T4

Comeza a 4ª temporada de Onda Ti, o programa no que condensamos moitos dos produtos radiofónicos que imos producindo durante o trimestre no estudio de Emilia na Onda, e con ela a continuación de seccións xa tradicionais, mais tamén o inicio doutras que de seguro que vos parecerán moi interesantes.

Entrevista a Cristina Pato

A semana pasada, e aproveitando a visita ao centro de Cristina Pato, o alumnado de 6ºEP entrevistou integramente en inglés á, entre outras facetas, escritora e música no estudio de Emilia na Onda. Queremos agradecerlle a xenerosidade que demostrou con nós durante toda a xornada.Nesta entrevista atoparedes moita información sobre o patrimonio que vos axudará nas vosas investigacións, dentro do PDI Galeguízate!, sobre o patrimonio material e inmaterial de Galicia.

Encontro con Cristina Pato

© http://www.cristinapato.com

Mañá visitará a biblioteca Cristina Pato, música, escritora, educadora e produtora, para falar co alumnado de 5º e 6º de EP sobre a súa experiencia nos Estados Unidos en relación coa música, tamén das súas experiencias como emigrante. O encontro desenvolverase totalmente en inglés como parte das actividades relacionadas co PDI Galeguízate! (Galicianise yourself) desde o área de lingua inglesa.

Poderedes seguir o encontro desde as vosas clases ou casas desde as 12h., hora de comezo da primeira charla para 5ºEP, accedendo a esta mesma entrada.

Episodio 3 de Onda Ti

Publicamos o último episodio da terceira tempora do programa Onda Ti, no que recollemos as gravacións dos nenos/as das diferentes etapas e cursos do CEIP Emilia Pardo Bazán. Este programa, que comezou no confinamento e que xa vai pola terceira temporada e 17 episodio publicados, quere ser unha recompilación do traballo que desenvolve o alumnado no estudio de Emilia na Onda. Como en anteriores ocasións a próxima semana cada sección estará publicada no respectivo programa da canle en Ivoox.

Documental "O noso oceanográfico"

Hoxe é o Día Mundial dos océanos, xornada na que finalizamos o Proxecto Documental Integrado Mérgullate! No mes de outubro comezamos o traballo de investigación que desenvolveu todo o centro ata este mes de xuño. Aprendemos sobre fauna e flora mariña, a influencia dos mares e océanos na arte, que deportes se poden practicar neles, eventos na historia e algúns descubrimentos, a tecnoloxía que está a ser utilizada, seres mitolóxicos, entre outros moitos aspectos, como poderedes comprobar a continuación. Os ODS foron tamén un punto importante durante o curso e queremos ser partícipes da Axenda 2030.

Gustarianos presentarvos todo o que aprendemos de xeito presencial, compartindo unha xornada con toda a comunidade educativa, pero xa sabedes que as restricións de mesturar grupos e a cantidade de persoas que podían acceder ao centro, que se establecían no protocolo sanitario, levantáronse hai poucas semanas, e planificar un evento destas características precisaba dun período de tempo maior, polo que, como tiñamos previsto, presentámosvos o Documental "O noso oceanográfico", no que o alumnado explica parte do traballo e aprendizaxes que realizaron durante o curso, porque uns dos aspectos máis importantes deste tipo de proxectos é compartir coñecemento, aprendizaxe entre iguais e que todos os nenos/as saiban e coñezan sobre o que investigaron os demais, facer partícipes a toda a comunidade educativa do esforzo e tratamento da información que se fixo.

Radio na Biblio

Durante o pasado trimestre o equipo de Laboratorio de radio estivo a traballar co alumnado e profesorado dos cursos de 5º e 6º de Educación Primaria na elaboración de cadanseu programa de radio, grazas tamén á colaboración de Axuda en Acción. Atoparedes teatro, relatos, entrevistas, monográficos, ata concursos nestas pezas que xa están dispoñibles na canle de Emilia na Onda, nas que trataron de achegar aspectos relacionados co mar, o medio ambiente e a ecoloxía aos oíntes da nosa radio, pero que tamén lles serviu para traballar en equipo, desenvolver contidos do currículo das diversas área, procurar información, analizala, transmitila, pero sobre todo para gozar facendo radio desde o colexio. Grazas a todas as persoas convidadas que colaboraron no desenvolvemento destas pezas e parabéns para o alumnado, profesorado e equipo de Laboratorio de radio.

Episodio 2 de Onda Ti

Publicamos o segundo episodio da terceira tempora do programa Onda Ti, no que recollemos as gravacións dos nenos/as das diferentes etapas e cursos do CEIP Emilia Pardo Bazán. Este programa, que comezou no confinamento, quere ser unha recompilación do traballo que desenvolve o alumnado no estudio de Emilia na Onda. Como en anteriores ocasións a próxima semana cada sección estará publicada no respectivo programa da canle en Ivoox.

En vacacións escoita Emilia na Onda

Se nestas vacacións queredes escoitar aos vosos compañeiros/as e lembrar algunhas das actividades que desenvolvimos durante o primeiro trimestre, podedes acceder á canle de Emilia na Onda e oír os podcast que se acaban de publicar, algúns deles xa ían incluídos no programa de Onda Ti da pasada semana, pero outros foron gravándose ao longo do trimestre e agora podedes oílos nas vosas casas.

Detallamos a continuación as novidades da canle...

Onda Ti - Temporada 3

Pensabades que non había Onda Ti neste curso? Pois si, aquí tedes o primeiro episodio do noso programa comezando xa a terceira temporada.

Este trimestre tivemos moitas gravacións e irémolas publicando durante este mes nas diferentes seccións da nosa canle en Ivoox, pero queriamos facer o primeiro episodio cunha escolla destes podcast e recuperando seccións clásicas do programa.

Episodio 5 (T2) - Onda Ti

Remata a temporada de Onda Ti! Xa podedes escoitar o último episodio do programa.

Neste ano complicado conseguimos sacar 5 episodios coas voces e co traballo de alumnado e profesorado, preparando as diferentes seccións das escaletas de cada un dos episodios.

Como di a careta quixemos achegar a escola aos vosos fogares e, nesta viaxe de ida e volta, agardamos que vos gustara. Atopámonos nas ondas no próximo curso!

Episodio 4 (T2) - Onda Ti

Atentos porque a temporada 2 de Onda Ti está chegando a término, a próxima semana emitiremos o último episodio, pero hoxe xa podedes escoitar o cuarto episodio que vén cargadiño de información, recomendacións, música, ficción e moita, moita ilusión por parte da comunidade educativa do CEIP Emilia Pardo Bazán.

Crónica da entrevista a Aida Tarrío (Tanxugueiras)

Vía www.poborinafolk.es

Esta é a crónica que elaborou o alumnado de 5ºC de Educación Primaria sobre a visita de Aida Tarrío, membro do grupo Tanxugueiras, á biblioLab para a entrevista que lle fixeron coa axuda de Laboratorio de Radio:

Crónica da entrevista a Laura Tojeiro

Esta é a crónica que elaborou o alumnado de 5ºA de Educación Primaria sobre a visita de Laura Tojeiro á biblioLab para a entrevista que lle fixeron coa axuda de Laboratorio de Radio:

O martes 23 de Marzo de 2021, a clase de 5ºA recibimos na BiblioLab do cole, a Laura Tojeiro, doutora en Innovación Educativa. Estudou bioloxía e música, toca o piano e o acordeón. Mestura as súas facetas, algo que nos pareceu interesante, pois sae un resultado diferente e do que podes aprender moitas cousas sobre os animais e as súas reaccións á música.

Episodio 3 (T2) - Onda Ti

Primeiro programa do ano  de Onda Ti e terceiro na temporada, que vén cargado de contido, con información e diversión. Comezamos coa sección "4 in a year" na que coñeceremos a unha personaxe do inverno. Continúa a serie de pandemias, neste episodio coa variola. Os nenos/as de 1ºA fan un pouco de publicidade do concurso e do traballo que están a realizar. No espazo verde de El jardín de Juanita as nenas/os de 5ºB de E.I. contan nesta ocasión coa colaboración da mestra Ángeles Abelleira. 

A esperada entrevista á ilustradora Xulia Pisón vén incluída neste episodio, así como o segundo episodio de Conversando coa Emilia, o teatro lido que fan os nenos/as de 6ºA e 5ºC. As bibliotecarias de Los Rosales traen algunhas das novidades e a recomendación dun libro de Xabier P. Docampo. Iremos finalizando coa previsión metereolóxica de hai uns días e Temos unha mensaxe de...

Episodio 2 (T2) - Onda Ti

Despedimos o primeiro trimestre con este segundo episodio da temporada de Onda Ti. Continuamos cos relatos de terror que elaboraron as voluntarias de 6º de E.P. Inauguramos varias seccións como o noso espazo verde coa peza "El Jardín de Juanita, no que a mestra Mar Santiago explícanos este traballo que se está a facer en Educación Infantil, ademais conta coa colaboración de Angélica Sátiro. Con "4 in a year" viaxaremos en inglés polas distintas estacións do ano. Seguiremos coñecendo pandemias que afectaron á humanidade ao longo da historia, neste episodio os nenos/as de 5º de E.P. falarannos sobre "A peste negra".

Comeza a ficción radiofónica en formato de teatro lido da obra Conversando coa Emilia, a cargo da compañía Bubelas, que pasará neste primeiro episodio?

Na entrevista deste mes tivemos con nós á actriz Isabel Naveira, os nenos/as de 6º de E.P. axudarannos a coñecela mellor.

Neste mes a edición chega cargada de recomendacións, á xa habitual sección das bibliotecarias da B.M. de Los Rosales, "Na onda dos libros", incorporamos "Novos do trinque". Neste mes as libreiras de Moito Conto compartirán con nós algunhas das novidades que chegaron aos seus andeis.

Finalizaremos con "Temos unha mensaxe de..."

Temporada 2 de Onda Ti

Chegou un día moi esperado por todos nós, o inicio da segunda temporada de Onda Ti, que se emite en Emilia na Onda. Vén con moitas novidades, que fan do programa algo que desexabamos desde que comezou a súa andaina en momentos complicados. Un espazo creado polos nenos/as do colexio no que as súas propostas e as súas voces son as protagonistas.

Vós contades!

O martes un grupo de nenas de 5ºA dramatizaron unha obra dirixida pola súa titora Conchy, baseada no libro La preocupación de Lucía de Tom Percival, e que tamén contou cunha parte musical.
Esta actividade forma parte de Vós contades! na que alumnos/as e familias poden utilizar a biblioteca para expresarse e para comunicar a nenos/as doutras clases. Nesta ocasión asisitiu o alumnado de 1º de E.P.
No seguinte vídeo tedes a actividade completa.