FEIRA DAS MARABILLAS - PDI "VIVIR NA CORUÑA"

 E por fin podemos compartir con vós un vídeo recopilatorio da xornada de convivenza que tivo lugar o pasado martes 16 de xuño no colexio. 

Para rematar o noso PDI deste curso "Vivir na Coruña" organizamos unha feira expositiva dos produtos que o alumnado elaborou durante o curso relacionados co proxecto. 

Quixemos insipirarnos na tradicional feira medival coruñesa que ten lugar todos os anos na cidade vella da cidade no verán. 

Nós chamámoslle "Feira das marabillas coruñesas". Acudiron todo o alumnado e profesorado, así como as familias. 

Desfrutamos moito dese día, puxemos en valor todo o que o alumnado investigou e elaborou durante o curso e tamén tivemos tempo para xogar a distintos xogos elaborados polo propio alumnado con material de reciclaxe.

Queremos agradecer a todas as persoas que fixeron posible que esta proposta pensada hai tempo, saíra adiante a todas as persoas que puideron vir aompañarnos. Para aqueles e aquelas que non puideron vivilo con nós, vos deixamos un vídeo para que tamén poidades ser partícipes. 

E agora sí, pechamos o noso PDI 2025-2026, pensando xa nas ideas para o vindeiro curso. 

VISITAS DAS FAMILIAS CONTACTONTOS - LENDAS A CORUÑA

Pola semana do libro invitamos ás familias a vir contar un conto, contar algo sobre as súas experiencias na cidade da Coruña, falar dalgunha lenda coruñesa... e as aulas e a biblioteca enchéronse de persoas con moitas historias que contar.

Foron momentos inesquecíbles que as crianzas puideron vivir coas súas mamás, papás ou familiares. E estes momentos ás veces irrepetibles, son os que quedan. Por iso desde a biblioteca do Emilia queremos animar ás familias a que participen e agradecemos a todas as que fixeron posible esta actividad, que tivo unha moi boa acollida. 

Grazas, familias por compartir con nós!

OBRADOIRO POESÍA - FAMILIAS

Seguindo co día da poesía, tamén levamos a cabo un obradoiro no programa de "Lectura e familias" con Dores Tembrás e as familias do noso colexio. 

Dores veu para que as familias e os seus fillos/as escribiran sobre papel "as súas cousas favoritas" relacionadas coa cidade da Coruña. 

Foi, coma sempre, moi emotivo e moi necesario. Compartir ese ratiño de tempo xuntos, falando e comentando recordos con persoas e lugares que son importantes para nós é algo que vai quedar para sempre nas nosas memorias. 

Grazas ás familia que participaron e grazas de novo á nosa Dores, visitante xa habitual e case obrigatoria do noso colexio.

SEMANA DO LIBRO 2026

 

No Emilia este ano celebramos o "día do libro" durante as dúas derradeiras semanas de abril. 

Queremos levar a cabo lecturas compartidas entre o alumnado e tamén coas familias. 

Animádevos a vir, familias, anotádevos no enlace da publicación anterior. 

FAMILIAS, VIDE CONTAR UN CONTO... OU O QUE QUEIRADES!

Co motivo da celebración do día do libro, desde a biblioteca EPB queremos convidar a todas as familias do colexio a  visitarnos para contar un conto, un poema, dramatizar algo, contarnos algo relacionado coa cidade da Coruña...

Queremos que poidades desfrutar de pasar un bo rato cos vosos cativos e cativas e que poidades colaborar coas actividades propostas polo equipo da biblioteca. 

Apostamos por unha conexión familia - escola real e nos gustaría compartir con vós estes momentos, que ademais, aos que máis ilusión lles fai é aos vosos nenos e nenas.

CANDO PODEDES VIR?

Desde o luns 20 de abril ata o xoves 30 de abril do 2026 en horario de mañá. 

COMO ME PODO INSCRIBIR?

Pinchando no seguinte enlace e cubrindo os vosos datos. 

Animádevos a participar! 

FAMILIAS, SE VOS GUSTA EMOCIONARVOS... ISTO É PARA VÓS!

 Desde a Biblioteca EPB e dentro do programa "Lectura e familias" queremos convidar ás familias do noso colexio que teñan nenos ou nenas matriculados nos cursos a partir de 3º de Educación Primaria  a participar nun obradoiro de poesía. 

QUEN SERÁ A POETA QUE NOS VISITA? 

A nosa queridísima Dores Tembrás, que xa leva colaborando con nós desde hai varios anos. Ela vaise encargar de que nos emocionemos a través da poesía co obradoiro que nos presenta tal que así: "As miñas cousas favoritas. O poema sen fin".

QUEN PODE PARTICIPAR? 

Familias que teñan nenos ou nenas matriculados no noso colexio a partir de 3ºEP. Vide cos vosos cativos e cativas a pasar un momento emocionante e fermoso xuntos.

CANDO E ONDE É? 

Será o vindeiro mércores 22 de abril do 2026 de 17:00 a 18:45 na BiblioLab. 

COMO VOS PODEDES INSCRIBIR?

Pinchando no seguinte enlace e cubrindo os vosos datos.

Haberá prazas limitadas e se adxudicarán estas por orde de inscrición.

Espermámosvos, familias!

1º CONCURSO PARA ADULTOS DO NOSO PDI: VIVIR NA CORUÑA!

Chegou o 1º concurso do PDI "Vivir na Coruña" para adultos:

Atención! Prazo de entrega ampliado ata o LUNS 12 de XANEIRO do 2026.

Aquí vos deixamos a convocatoria para quen queira participar na categoría de adultos: toda a comunidade educativa está convidada (familias, persoal docente, persoal non docente).

PROPOSTA: buscar unha fotografía ou debuxar e escribir un recordo da infancia na nosa cidade da Coruña. E se descubriron a cidade máis tarde, conta como chegáches á esta cidade e por que segues aquí. 

PRAZO: podedes participar ata o próximo LUNS 12 DE XANEIRO DO 2026 (prazo ampliado). 

MODO DE PARTICIPACIÓN: dixital enviando a vosa proposta por email a: bibliotecaepb@gmail.com / ou en papel: recollendo o modelo guía en conserxaría e entregando tamén en conserxaría.

Esperamos as vosas participacións!

Vivir na Coruña... que bonito é!

MOCHILAS TEMÁTICAS CONEXIÓN E FAMILIA

 

Volven as mochilas temáticas de conexión familiar que tanto éxito tiveron. Estes préstamos van dentro do programa "Lectura e Familias", definida como "Conexión familiar: atopa respostas ás túas preguntas". 

Para solicitalas, poderedes acceder ao FORMULARIO que se atopa ao final desta publicación. 

Esta actividade comezou xa hai dous cursos e agradecemos a acollida dela xa que as mochilas estiveron en movemento desde o comezo da iniciativa. 

Poñemos a disposición de todas as familias do noso centro 10 mochilas temáticas con fondos que acheguen información sobre diferentes aspectos, que esperamos que poidan servos de utilidade.

As mochilas que están a disposición da comunidade educativa para o empréstito serán as que aborden os temas de Trastorno de Espectro Autista, Trastorno de Déficit de Atención e Hiperactividade, Altas Capacidades Intelectuais, Conduta e Disciplina Positiva, Conduta Positiva e Educación emocional, Dislexia, Creatividade 1, Creatividade 2, Educación e Igualdade e "Ao teu xeito" (esta última mochila configúraa a propia familia cun máximo de tres libros para adultos e/ou de non ficción a escoller entre a nosa colección). A selección dos recursos foi realizada polo Departamento de Orientación en colaboración co equipo de biblioteca.

As primeiras mochilas comezarán a saír o próximo 9 de decembro e poderán permanecer en préstamo un máximo de 30 días sen posibilidade de renovación, co obxectivo de favorecer a rotación e que o acceso a estes fondos sexa o máximo posible. As mochilas poderán reservarse, quedando en lista de espera as persoas que o vaian solicitando.

A recollida das mochilas realizarase na biblioteca do centro en diferentes momentos da xornada escolar e que deberán explicitarse no formulario de solicitude. A devolución realizarase do mesmo xeito que se fixo o préstamo. Cada familia só poderá ter emprestada unha das mochilas ofertadas.

Aquí vos deixamos a un click onde podedes anotarvos para solicitar as mochilas temáticas: 

FORMULARIO DE SOLICITUDE

Familias e lectura

Hoxe finalizamos dous programas como son "Biblioteca e Familias" e os Clubs de lectura co acto no que Pablo Díaz fixo unha actividade de animación a lectura contándonos uns contos e combinando coa súa música.

Avaliación do curso

O pasado venres a biblioteca pechou as súas portas para prepararnos para a apertura no próximo curso. Como parte do proceso continuo de mellora gustaríanos coñecer a vosa opinión sobre distintos aspectos e valoración tanto do traballo do equipo de biblioteca como dos servizos que se propuxeron desde a biblioteca durante este curso

Pedímosvos uns minutos do voso tempo para que contestedes ás preguntas do formulario e nos axudedes a mellorar para próximos cursos.

Comerte a versos

A cociña e a poesía, que marabillosa maridaxe! Dores Tembrás tivo hoxe un encontro coas familias do colexio para poñerse a cociñar versos coas criazas e os seus familiares a través da proposta "Comerte a versos". Coñecer a poesía, identificar as nosas receitas de cociña preferidas e a vinculación coas nosas emocións, coas nosas experiencias para despois transformalo nunha obra poética. A continuación tedes algunhas das producións das familias que acudiron á biblioLab para escribir xuntos:

Cine en familia

O alumnado de 3ºEP desfrutou dunha xornada co pai dunha alumna destes grupos que compartiu con nós a Liña de tempo do cine, de elaboración propia, e que quiso ensinar ao resto de compañeiros/as.

Fomos percorrendo a historia do cine, desde os seus inicios ata a actualidade, coñecemos aos precursores, personaxes, actores/actrices...

Biblioteca e familia: "Comerte a versos"

O próximo 22 de maio realizaremos unha xornada de Biblioteca e Familia titulada "Comerte a versos" dirixida por Dores Tembrás e que se centrará na relación entre poesía e cociña. Partindo do vínculo que cada un de nós mantén con determinadas receitas e aquilo que o sentido do gusto pode desatar na memoria. Dende aí faise a proposta de escrita. O enunciado é sinxelo pero desafiante: escribir o que significa unha determinada elaboración ou receita na nosa vida.
A sesión estará apoaida en poemas de autores de prestixio como Wislawa Zzymborska, Gabriela Mistral, Miguel Hernández ou Mark Strand que exploraron con éxito esta relación para achegarnos ao noso propio vínculo.
O obxectivo é que entre a familia e o alumno/a compoñan un breve texto, no que palpite o seu vínculo a través da cociña. O exercicio rematará escribindo este poema nunha cartolina a modo de receita que os nenos e nenas poderán ilustrar con recortes e debuxos.

Conexión Familiar

Volvemos a poñer en marcha a proposta de préstamos de lotes de libros dirixidos ás familias dentro do programa "Lectura e Familias", definida como "Conexión familiar: atopa respostas ás túas preguntas". Esta actividade comezou o curso pasado e agradecemos a acollida dela xa que as mochilas estiveron en movemento desde o comezo da iniciativa, por este motivo neste curso decidimos ampliar a oferta de lotes.

Nesta acción poñeremos a disposición de todas as familias do noso centro 10 mochilas temáticas con fondos que acheguen información sobre diferentes aspectos, que esperamos que poidan servos de utilidade.

Concurso de Microrrelatos 2024

Presentamos as obras seleccionadas no Concurso de Microrrelatos de 2024 nas categorías de Ilustración (Educación Infantil), Primeiros lectores (1º e 2ºEP), Lectores autónomos (3 e 4ºEP) e Lectores Expertos (5º e 6ºEP). A entrega dos premios ás gañadoras /es realizarase o próximo luns 11 de novembro no Salón de Usos Múltiples do centro ás 12h., na que se incluirá a lectura das obras gañadoras pola súa autora.

Concurso microrrelatos Día das escritoras

O próximo 16 de outubro conmemoraremos o Día das escritoras, que estiveron de celebración o luns 14 de outubro. Por este motivo, queremos convidarvos a que participedes nesta IV edición do concurso de escritura creativa de microrrelatos, o alumnado escribiraos durante a xornada escolar, o resto da comunidade educativa poderá entregalos, a través do correo bibliotecaepb@gmail.com, ata o día 25 de outubro.

Nesta entrada tedes as bases de participación, que está aberta a todos os membros da comunidade educativa. O texto deberá incluír a frase dun artigo de Emilia Pardo Bazán, que nesta edición é "O público descálzase de risa ou pásmase de admiración" (Fragmento tirado dun artigo escrito por Emilia Pardo Bazán no nº 1406 de “La Ilustración artística” na sección “La vida contemporánea” -1908-).

Encontro con Xurxo Souto

O pasado mércores 12 de xuño celebramos a última xornada de Lectura e familia coa actuación no centro de Xurxo Souto, na que compartiu moitas das súas historias da Coruña. Aproveitamos a ocasión para despedir o ano dos clubs de lectura do centro.

Queremos saber a vosa opinión

Tras o peche da biblioteca queremos coñecer a vosa opinión sobre distintos aspectos  e valoración tanto do traballo do equipo de biblioteca como dos servizos que se propuxeron desde a biblioteca durante este curso

Pedímosvos uns minutos do voso tempo para que contestedes ás preguntas do formulario e nos axudedes a mellorar para próximos cursos.

Obradoiro de Lectura e familia

Dores Tembrás achegounos hoxe na biblioLab á poesía en familia a través do obradoiro "Recortando palabras que son paxaros", co que conseguiu que compartísemos a tarde nenos/as, familias e profesorado. estas son algunhas mostras do ben que o pasamos esta tarde...

Recortando palabras que son paxaros

O próximo xoves 25 de abril realizarase a primeira xornada de obradoiros de Lectura e familias na que contaremos con Dores Tembrás para que nos axude a introducir a poesía nas nosas casas. Esta actividade está aberta a alumnado de 3º a 6º de Educación Primaria, que deberá vir acompañado dun adulto a esta actividade, na que tamén se realizará un produto creativo, polo que teredes que traer o material que se indica. Hai 15 prazas para alumnado, para inscribirse haberá que cubrir este formulario.