FEIRA DAS MARABILLAS - PDI "VIVIR NA CORUÑA"

 E por fin podemos compartir con vós un vídeo recopilatorio da xornada de convivenza que tivo lugar o pasado martes 16 de xuño no colexio. 

Para rematar o noso PDI deste curso "Vivir na Coruña" organizamos unha feira expositiva dos produtos que o alumnado elaborou durante o curso relacionados co proxecto. 

Quixemos insipirarnos na tradicional feira medival coruñesa que ten lugar todos os anos na cidade vella da cidade no verán. 

Nós chamámoslle "Feira das marabillas coruñesas". Acudiron todo o alumnado e profesorado, así como as familias. 

Desfrutamos moito dese día, puxemos en valor todo o que o alumnado investigou e elaborou durante o curso e tamén tivemos tempo para xogar a distintos xogos elaborados polo propio alumnado con material de reciclaxe.

Queremos agradecer a todas as persoas que fixeron posible que esta proposta pensada hai tempo, saíra adiante a todas as persoas que puideron vir aompañarnos. Para aqueles e aquelas que non puideron vivilo con nós, vos deixamos un vídeo para que tamén poidades ser partícipes. 

E agora sí, pechamos o noso PDI 2025-2026, pensando xa nas ideas para o vindeiro curso. 

PILAR NOS CONTA COUSAS SOBRE O BARRIO DOS ROSALES

O pasado luns 15 de xuño a nosa veciña Pilar visitou o grupo de 4ºC para contarlles como era o barrio vai 70 anos. 

O que máis lles chamou a atención foi que era unha pequena aldea con casiñas de pedra e as súas lareiras e cuadras para os animais. Tiñan que recoller a auga na fonte con sellas e para pasar á cidade a vender tiñan que pagar un "fialato". 

E a que non sabedes que o noso cole era unha canteira? Para chamar por teléfono ían ao Bar La Parra e tamén recibían os recados alí pero tamén sabían novas grazas ás campás da igrexa. 

Pilar dixo que agora estaba contenta no barrio porque tiña moitas cousas: centro médico, colexios, comercios... pero que votaba en falta a colaboración entre veciños e veciñas porque se coñecían todos e a aos alumnos e alumnas de 4º o que máis lles gustou foi imaxinar os xogos en tanto espazo como tiñan.

O grupo de 4ºC agradécelle a Pilar a súa visita  xa que reviviron con ela aquela época na que comezaba todo no barrio dos Rosales.

Aquí vos deixamos un pequeno vídeo. 

OS ROMANOS PASARON POLA CORUÑA 3ºC

 Este curso o alumnado de 3ºC buscou información sobre o paso dos romanos na Coruña. Descubriron monumentos que construiron eles e viron algúns restos que aínda quedaron. 

Aprenderon sobre a cultura da época romana, como vestían, a que xogaban, que alimentos comían e que territorios conquistabaron. 

Aquí vos deixamos, por un lado, un vídeo dos mosaicos romanos que elaborou o grupo para expoñer na Feira das Marabillas, e por outro lado, a entrevista de radio que gravamos. 

EMILIA NA ONDA CON LUISA, PRESIDENTA DA ASOCIACIÓN DE VECIÑOS DOS ROSALES

 Fai unhas semanas tivemos a visita de Luisa, a presidenta da asociación de veciños do barrio dos Rosales. O alumnado de 4ºC fíxolle unha entrevista no estudo de radio. Contounos que facían desde a asociación polo barrio e como comezaron. Tamén nos falou das festas do barrio e de actividades que organizan para a rapazada. E así pechaba este curso o alumnado a súa andaina e busca de información sobre a cidade da Coruña, contido relacionado co noso PDI "Vivir na Coruña".

Aquí vos deixamos a entrevista para que a poidades escoitar. 

Grazas, Luisa pola túa visita e ata pronto!

XOSÉ. A. TOURIÑÁN EN EMILIA NA ONDA!!!

 Pois si, estás lendo ben. Visitounos o humorista, actor e veciño da Coruña: XOSÉ. A. TOURIÑÁN!!!

Foi un día moi emocionante, polo cal levábamos agardando moito tempo. E saiu a pedir de boca. A verdade é que se nota que Xosé se dedica a isto da comunicación. E temos que dicir que o noso alumnado de 2ºEP fíxolle unha entrevista moi á altura.

Non podemos estar máis contentos/as no Emilia con esta visita. 

Aquí vos deixamos un vídeo para que sempre o poidamos recordar. Pero, como dixo Xosé que estivera moi cómodo, igual volvía...

E tamén a entrevista na radio que estivo moi entretida e divertida! ESCOITADEA, estes nenos e nenas parece que van á radio todos os días! AQUÍ TE ESPERAMOS, TOURI!

OBRADOIRO COLLAGE 1º EP

Cando algo funciona, sempre repetimos. Este é o caso do obradoiro de collage impartido polo ilustrador Carlos Gallego. Os grupos de 1ºEP tiveron a oportunidade de participar neste obradoiro onde a través da técnica do collage, elaboraron as súas composicións de monumentos e lugares da cidade da Coruña.

Grazas, Carlos e ata sempre! 

RUBÉN SANTAMARTA (director actual do xornal "La Voz de Galicia" en EMILIA NA ONDA!

O pasado venres 29 de maio, visitounos Rubén Santamarta, persoa relevante para a nosa cidade por ser o actual director do xornal "La Voz de Galicia".

O alumnado de 2ºC fixo sobre el unha tarefa de investigación e plasmaron as súas pesquisas en formato "mural". Este mural lle foi entregado a Rubén Santamarta durante a súa visita no colexio.

Ademais, o grupo de 2ºC entrevistou a Rubén na nosa emisora "Emilia na Onda" para que todos e todas o poidades coñecer mellor. Aquí vos deixamos o podcast que se gravou e unhas fotografías da visita e gravación. 

PODCAST

OBRADOIRO DE PINTURA 🎨

Aqui vos deixamos un obradoiro que tivo lugar nas aulas de 3ºEP da man de Vanessa Lodeiro.

Nenos e nenas pintaron paisaxes coruñesas e elementos fermosos da nosa cidade.

OBRADOIRO DE "ALOUETTE MACHINE"

Este curso tivemos a sorte de repetir este obradoiro dirixido ao alumnado de 2ºEP.

Como están en pleno afianzamento o proceso de lectoescritura, esta proposta foi pensada para eles.

Aprenderon como se facían hai anos os carteis e anuncios publicitarios.

E elaboraron eles mesmos varias propostas relacionadas co noso PDI "Vivir na Coruña".

Grazas de novo. Por facernos desfrutar!

SEMANA DO LIBRO 2026

 

No Emilia este ano celebramos o "día do libro" durante as dúas derradeiras semanas de abril. 

Queremos levar a cabo lecturas compartidas entre o alumnado e tamén coas familias. 

Animádevos a vir, familias, anotádevos no enlace da publicación anterior. 

FAMILIAS, VIDE CONTAR UN CONTO... OU O QUE QUEIRADES!

Co motivo da celebración do día do libro, desde a biblioteca EPB queremos convidar a todas as familias do colexio a  visitarnos para contar un conto, un poema, dramatizar algo, contarnos algo relacionado coa cidade da Coruña...

Queremos que poidades desfrutar de pasar un bo rato cos vosos cativos e cativas e que poidades colaborar coas actividades propostas polo equipo da biblioteca. 

Apostamos por unha conexión familia - escola real e nos gustaría compartir con vós estes momentos, que ademais, aos que máis ilusión lles fai é aos vosos nenos e nenas.

CANDO PODEDES VIR?

Desde o luns 20 de abril ata o xoves 30 de abril do 2026 en horario de mañá. 

COMO ME PODO INSCRIBIR?

Pinchando no seguinte enlace e cubrindo os vosos datos. 

Animádevos a participar! 

FAMILIAS, SE VOS GUSTA EMOCIONARVOS... ISTO É PARA VÓS!

 Desde a Biblioteca EPB e dentro do programa "Lectura e familias" queremos convidar ás familias do noso colexio que teñan nenos ou nenas matriculados nos cursos a partir de 3º de Educación Primaria  a participar nun obradoiro de poesía. 

QUEN SERÁ A POETA QUE NOS VISITA? 

A nosa queridísima Dores Tembrás, que xa leva colaborando con nós desde hai varios anos. Ela vaise encargar de que nos emocionemos a través da poesía co obradoiro que nos presenta tal que así: "As miñas cousas favoritas. O poema sen fin".

QUEN PODE PARTICIPAR? 

Familias que teñan nenos ou nenas matriculados no noso colexio a partir de 3ºEP. Vide cos vosos cativos e cativas a pasar un momento emocionante e fermoso xuntos.

CANDO E ONDE É? 

Será o vindeiro mércores 22 de abril do 2026 de 17:00 a 18:45 na BiblioLab. 

COMO VOS PODEDES INSCRIBIR?

Pinchando no seguinte enlace e cubrindo os vosos datos.

Haberá prazas limitadas e se adxudicarán estas por orde de inscrición.

Espermámosvos, familias!

CONCURSO PDI POESÍA - MES DE MARZO

Xa está aquí o concurso de marzo do noso PDI "Vivir na Coruña".

Esta vez pedímosvos que escribades un poema en galego, vendo as fotografías de A Coruña antiga que vos propocionamos. Buscade ideas nos libros que vos facilitamos. 

Poñede en xogo a vosa creatividade, emocións e poder de imaxinación. 

Deixamos abaixo as instrucións por cursos. 

Lápiz e papel a crear.

CONCURSO CORUÑÉS DO MES DE FEBREIRO

 

Boas, publicamos o concurso do mes de febreiro sobre o noso PDI "Vivir na Coruña". Atréveste?

Mira as fotografías destas mulleres e responde a estas preguntas segundo o nivel no que esteas:

INFANTIL: (1 tarefa)  coa axuda das vosas mestras, buscar os nomes e as fotografías destas mulleres e poñerlle o nome a cada imaxe. 

1º e 2º de primaria: (2 tarefas) coa axuda das vosas mestras, buscar os nomes e as fotografías destas mulleres e poñerlle o nome a cada imaxe + ordenar de máis antiga a máis actual estas mulleres. 

3º e 4º de primaria:  (3 tarefas) coa axuda das vosas mestras, buscar os nomes e as fotografías destas mulleres e poñerlle o nome a cada imaxe + ordenar de máis antiga a máis actual estas mulleres + dicir onde naceron estas mulleres e que teñen en común. 

5º e 6º de primaria: (4 tarefas): coa axuda das vosas mestras (so se é necesario), buscar os nomes e as fotografías destas mulleres e poñerlle o nome a cada imaxe + ordenar de máis antiga a máis actual estas mulleres + dicir onde naceron estas mulleres e que teñen en común + por que son importantes (o que lograron). 

Deixaremos na planta baixa do colexio a información onde indagar as respostas. 

Poderedes coller as follas de respostas directamente na vosa clase, preguntando aos vosos titores/titoras.

Poededes participar desde o venres 6 de febreiro ata o venres 27 de febreiro do 2026. 

ANIMÁDEVOS A PARTICIPAR!

GAÑADOR E FINALISTAS CONCURSO LOGO DO PDI VIVIR NA CORUÑA

Xa temos gañador do CONCURSO DE LOGO para o PDI: "Vivir na Coruña" e tamén os dous finalistas. 

Noraboa a todos e todas os e as participantes! Tivo unha grande acollida e foi moi, pero moi difícil elixir.

Aquí vos deixamos o gañador e os dous finalistas. 

Ademais, no colexio, quedarán expostos os finalistas de cada clase. 

Grazas por participar! E pola caldade coa que realizades e elaborades as vosas creacións, raparigos e raparigas!

PROGRAMA DE RADIO DECEMBRO 2025

 Boas!

Hoxe vimos compartir o noso primeiro programa de radio do curso. O que coincide coas datas máxicas do Nadal. Tamén vos queremos contar que tivemos a grande sorte de participar nas Xornadas de "Radio na Biblio" que tiveron lugar hoxe, xoves 18 de decembro do 2025 en Santiago e ás que foron parte do alumnado de 5ºEP, que este ano, se formará na radio para comezar a elaborar proxectos e seguir estes en 6ºEP.

O mundo da radiofonía é un mundo máxico, que che permite facer chegar esas ideas, creacións e imaxinación da rapazada coma se fosen estrelas que alumean aos oíntes a través dun único canal: a voz.

E, sen máis detalles, vos deixamos  unhas fotografías na xornada de "Radio na Biblio" que vivimos e ao final desta publicación, tamén, por suposto, o noso primeiro programa de radio para que o poidades escoitar.

Ata pronto, lectores e lectoras! 

CONCURSO PARA ALUMNADO MES DE DECEMBRO PROXECTO "VIVIR NA CORUÑA"

ATENCIÓN! Ampliamos prazo para entregar o concurso: data límite: LUNS 12 DE XANEIRO DO 2026.

E aquí chegou tamén outro concurso, desta vez para o alumnado do noso centro. Trátase de investigar o nome destes edificios e de escribir por que teñen ese nome. 

Como o noso proxecto é "Vivir na Coruña" por suposto, estes edificios sitúanse na nosa cidade.

Así que, investigadores e investigadoras, tócavos a vós. 

Este concurso, para que todos e todas poidades participar, vai por categorías: 

INFANTIL: Debuxando os edificios, consultando as fotografías de guía.  

1º CICLO DE PRIMARIA - 1º E 2º: Buscar o nome do edificio.

2º CICLO DE PRIMARIA - 3º E 4º: Buscar o nome do edificio, dicir que é,  e dicir onde está na cidade.

3º CICLO DE PRIMARIA - 5º E 6º: Buscar o nome do edificio, dicir que é e por que recibe ese nome.

ONDE PODEDES CONSEGUIR O LIBRIÑO COAS FOTOGRAFÍAS DOS EDIFICIOS PARA RESPONDER? Pois no noso cole, na entrada, onde está o mural do noso Proxecto. 

ATA CANDO PODEDES ENTREGAR AS RESPOSTAS? Pois ata o LUNS 12 DE XANEIRO DO 2026 (prazo ampliado). 

ONDE PODES ENTREGAR O LIBRIÑO COAS TÚAS RESPOSTAS? Na biblioteca a algún mestre/a do equipo de biblioteca. 

RECORDA POÑER O TEU NOME, APELIDOS E CURSO. 

GRAZAS A TOD@S POR PARTICIPAR!

1º CONCURSO PARA ADULTOS DO NOSO PDI: VIVIR NA CORUÑA!

Chegou o 1º concurso do PDI "Vivir na Coruña" para adultos:

Atención! Prazo de entrega ampliado ata o LUNS 12 de XANEIRO do 2026.

Aquí vos deixamos a convocatoria para quen queira participar na categoría de adultos: toda a comunidade educativa está convidada (familias, persoal docente, persoal non docente).

PROPOSTA: buscar unha fotografía ou debuxar e escribir un recordo da infancia na nosa cidade da Coruña. E se descubriron a cidade máis tarde, conta como chegáches á esta cidade e por que segues aquí. 

PRAZO: podedes participar ata o próximo LUNS 12 DE XANEIRO DO 2026 (prazo ampliado). 

MODO DE PARTICIPACIÓN: dixital enviando a vosa proposta por email a: bibliotecaepb@gmail.com / ou en papel: recollendo o modelo guía en conserxaría e entregando tamén en conserxaría.

Esperamos as vosas participacións!

Vivir na Coruña... que bonito é!

CONCURSO DE LOGO DO NOSO PROXECTO DESTE CURSO: VIVIR NA CORUÑA

Lanzamos o primeiro concurso do noso Proxecto Documental Integrado deste curso 2025-2026: VIVIR NA CORUÑA. 

Este primeiro concurso consiste en que o alumnado elabore un logo para o noso PDI. Xa nos chegou algún mensaxeiro/a nervioso/a, preguntando que "a ver cando se publicaba o concurso do logo". POIS XA CHEGOU!!!

Animádevos a participar, rapazada! Tedes ata o VENRES 12 DE DECEMBRO para participar. Xa sabedes, poñede esa imaxinación e creatividade a funcionar.

Unha vez recibamos todas as propostas, procederase á votación do logo e sairá un único logo gañador.

A DEBUXAR!

 Por fin podemos desvelar a temática do Proxecto Documental Integrado deste curso: A CORUÑA. 

Leva o nome de: VIVIR NA CORUÑA... E este mes comezamos coas investigacións e actividades de motivación. 

Durante tres días, levamos a cabo unha actividade chamada "Un paseo por Coruña" sen movernos da nosas bibliotecas, pero vendo, dialogando, comentando, e resolvendo cuestións sobre monumentos, barrios, obras, personaxes coruñeses e outros elementos significativos da nosa cidade. 

Ademais, tivo lugar tamén o noso 1º apadriñamento lector "Amizade nun libro" entre amiguiñ@s pequen@s e maiores. Dentro vídeo:

Pasámolo moi ben no día das bibliotecas escolares inaugurando o PDI 2025-2026.