Concurso microrrelatos Día das escritoras

O próximo 16 de outubro conmemoraremos o Día das escritoras, que estiveron de celebración o luns 14 de outubro. Por este motivo, queremos convidarvos a que participedes nesta IV edición do concurso de escritura creativa de microrrelatos, o alumnado escribiraos durante a xornada escolar, o resto da comunidade educativa poderá entregalos, a través do correo bibliotecaepb@gmail.com, ata o día 25 de outubro.

Nesta entrada tedes as bases de participación, que está aberta a todos os membros da comunidade educativa. O texto deberá incluír a frase dun artigo de Emilia Pardo Bazán, que nesta edición é "O público descálzase de risa ou pásmase de admiración" (Fragmento tirado dun artigo escrito por Emilia Pardo Bazán no nº 1406 de “La Ilustración artística” na sección “La vida contemporánea” -1908-).

As obras da categoría de adultos recibiranse ata o 25 de outubro. O 8 de novembro anunciaranse as mencións para cada categoría e publicaranse neste blog as obras selecionadas finalistas e das gañadoras.

A continuación deixamos as bases para que as poidades consultar:

 

Agardamos as vosas creacións!