Presentámosvos os diferentes Clubs de Lectura e Diálogo aos que poderedes inscribirvos. A continuación tedes toda a información de cada unha destas actividades organizadas dependendo o curso no que esteades este ano.
Esta preinscrición deberá confirmarse coa entrega do formulario de inscrición que vos entregará a mestra mediadora dos respectivos clubs. Esta entrada actualizarase periodicamente para informar dos clubs que esgotaron xa as súas prazas.
Os viaxeiros por papel lerán unha nova versión poética do conto de Carapuchiña vermella co libro "La noche de la visita". Os BookClub visitaron Londres, mentres Papalibros rematou o cómic de "El árbol que crecía en mi pared" e as Bolboretas Lectoras comezaron "La guerra de Catherine".
Pola súa parte, o alumnado participante en ENRE2 EPB rematou o xogo de Botánicula e no mes de xaneiro comezaremos cunha nova obra.
En diálogos filosóficos continuaron coa construción dunha nova mirada a través das súas conversas.
Nestas presentacións poderedes ver algunhas imaxes dos encontros.
Presentámosvos os diferentes Clubs de Lectura e Diálogos Filosóficos aos que poderedes inscribirvos. A continuación tedes toda a información de cada unha destas actividades organizadas dependendo o curso no que esteades este ano.
Este venres 30 de setembro comeza o "BookWorms" dirixido aos nenos/as de 6º EP, máis de 30 alumnos/as están citados coa lectura en inglés na tarde do venres. Como sempre, a teacher Rose ten moitas sorpresas a agardarvos.
O pasado venres celebramos unha nova sesión de diálogos filosóficos na BiblioLab na que a partir de anacos de imaxes foron falando sobre aquilo que vían desde como se divertían os peixes, onde estaba a persoa da imaxe, que estaba a facer... ata chegar aos motivos polos que esta nena parecía ter medo. Os nenos de 2º e 3º escribiron o seu medo (un pallaso, un virus ou estar so) nunha cuncha e a decoraron con pintura.
O pasado venres 13 de febreiro desenvolveuse a segunda sesión de diálogos filosóficos na biblioteca cos grupos puntuais de 2º e 3º de E.P. Nesta ocasión a mestra Nieves animou aos nenos/as a dialogar a través do cadro de Picasso "Niña con barco" e a desenvolver distintas habilidades de pensamento. Ao final elaboraron uns pequenos contos que están expostos na biblioteca.
Na primeira sesión do ano, formularon hipóteses do que podería haber detrás da imaxe que vían a través de pequenos buratos: “un enreixado similar á que hai nas pistas do colexio (para protexernos de caídas nos desniveis), un tendal de roupa, o disfrace de Halloween (porque a roupa está manchada de sangue)”…
A segunda sesión de diálogos Hilomundos (mércores 4 de decembro), comezou coa reflexión coa que Antía pechaba a anterior ... “Nació una niña con un hilo en las manos...” (Sátiro, A. (2018). La niña del hilo. Barcelona: Editorial Octaedro) ... “é un rollo, eu cortaríano”. Pero os seus compañeiros e compañeiras, viron unha similitude entre ese fío e a vida da nena: “sería longa” como a lonxitude da corda, “chea de xogos” porque é o que a nena fai, “con incomodidades por non poder facer sempre o que quere” representadas polos nós e “en movemento”.
O venres 18 de outubro, un grupo de 4º e 5º de E. Primaria, comezou a participar na proposta de dialogar na biblioteca empregando como bibliografía de base o libro: Angélica Sátiro. “La niña del hilo”. Editorial Octaedro. O tema central foi o xogo.