Obradoiro "Pintando historias"

No mes de decembro comezamos un novo obradoiro que chamamos "Pintando historias" na que pretendemos achegarnos ao mundo da fotografía, tan importante no desenvolvemento do cine, e que nos permitirá introducirnos en diversas historias. Utilizamos a técnica de Light painting para xuntar arte, fotografía e literatura.

A estrutura que seguimos nos obradoiros consiste en facer primeiro a lectura dun libro da biblioteca nalgún dos seus espazos, falamos brevemente sobre a historia e o seu contexto, despois revivimos o conto a través de elementos significativos deste para intentar representalos na fotografía

Nas dúas primeiras sesións (2ºEP e 6ºEI) utilizamos a obra de Mariana Coppo "Lúa", editada por Juventud, despois de escoitar e falar da obra na biblioLab fixemos o taller de fotografía escribindo o título da obra, representado unha bolboreta, unha lámpada, estrelas, árbores...

 

Na seguinte sesión, con alumnado de 6ºEI, utilizamos a obra de Alessandro Montagnana "El viaje de Candela" editado por NubeOcho. Primeiro escoitamos e falamos sobre a obra na biblioteca e logo fomos á Sala de Usos Múltiples para realizar o taller de fotografía no que replicamos as estrelas da noite, flores, o voo dos lucecús...

Historias con luz na biblioteca!