Conexión Familiar

Volvemos a poñer en marcha a proposta de préstamos de lotes de libros dirixidos ás familias dentro do programa "Lectura e Familias", definida como "Conexión familiar: atopa respostas ás túas preguntas". Esta actividade comezou o curso pasadoe agradecemos a acollida dela xa que as mchilas estiveron en movemento desde o comezo da iniciativa, por este motivo neste curso decidimos ampliar a oferta de lotes.

Nesta acción poñeremos a disposición de todas as familias do noso centro 10 mochilas temáticas con fondos que acheguen información sobre diferentes aspectos, que esperamos que poidan servos de utilidade.

Taller de palmas

Durante este mes Vanessa, Yvonne, Laura e Anais fixeron un Taller de palmas para alumnado de 4°-5°-6° EP no que ademais de aprender a técnica correcta de dar palmas tambén aprenderon algunhas cancións, prazas esgotadas!

Conexión familiar

Co novo ano queremos anunciar unha nova proposta dirixida ás familias dentro do programa "Lectura e Familia", definímola como "Conexión familiar: atopa respostas ás túas preguntas". Nesta acción poñeremos a disposición de todas as familias do noso centro mochilas temáticas con fondos que acheguen información sobre diferentes aspectos, que esperamos que poidan servos de utilidade. As primeiras mochilas que poñeremos a disposición da comunidade educativa para o empréstito serán as que aborden os temas de Trastorno de Espectro Autista, Trastorno de déficit de atención e hiperactividade, Altas capacidades intelectuais e Conduta e disciplina positiva. A selección dos recursos foi realizada polo Departamento de orientación en colaboración co equipo de biblioteca.

Documental "O noso oceanográfico"

Hoxe é o Día Mundial dos océanos, xornada na que finalizamos o Proxecto Documental Integrado Mérgullate! No mes de outubro comezamos o traballo de investigación que desenvolveu todo o centro ata este mes de xuño. Aprendemos sobre fauna e flora mariña, a influencia dos mares e océanos na arte, que deportes se poden practicar neles, eventos na historia e algúns descubrimentos, a tecnoloxía que está a ser utilizada, seres mitolóxicos, entre outros moitos aspectos, como poderedes comprobar a continuación. Os ODS foron tamén un punto importante durante o curso e queremos ser partícipes da Axenda 2030.

Gustarianos presentarvos todo o que aprendemos de xeito presencial, compartindo unha xornada con toda a comunidade educativa, pero xa sabedes que as restricións de mesturar grupos e a cantidade de persoas que podían acceder ao centro, que se establecían no protocolo sanitario, levantáronse hai poucas semanas, e planificar un evento destas características precisaba dun período de tempo maior, polo que, como tiñamos previsto, presentámosvos o Documental "O noso oceanográfico", no que o alumnado explica parte do traballo e aprendizaxes que realizaron durante o curso, porque uns dos aspectos máis importantes deste tipo de proxectos é compartir coñecemento, aprendizaxe entre iguais e que todos os nenos/as saiban e coñezan sobre o que investigaron os demais, facer partícipes a toda a comunidade educativa do esforzo e tratamento da información que se fixo.

Onda Ti - Temporada 3

Pensabades que non había Onda Ti neste curso? Pois si, aquí tedes o primeiro episodio do noso programa comezando xa a terceira temporada.

Este trimestre tivemos moitas gravacións e irémolas publicando durante este mes nas diferentes seccións da nosa canle en Ivoox, pero queriamos facer o primeiro episodio cunha escolla destes podcast e recuperando seccións clásicas do programa.

Escornabots para todos/as

A pasada semana Ángel Villanueva veu de publicar una actualización de  EscornaVoz, que se trata dunha aplicación para controlar o escornabot a través da voz. Este é un de varios proxectos que promoven a inclusión e a accesibilidade a distintos dispositivos, que podedes consultar na súa web Mecatrónica Lab.
No noso centro temos alumnos/as que ata agora tiñan dificultades para o uso dos escornabots e este proxecto vainos permitir achegalos a todo o alumnado e desenvolver actividades que ata agora non podiamos.

O día da biblioteca

A Asociación Española de Amigos del Libro Infantil y Juvenil en 1997 quixo lembrar o incendio da Biblioteca de Saraxevo en 1992 para homenaxear e resaltar o valor da bibliotecas, por este motivo o 24 de outubro celébrase o Día da biblioteca. Este ano o Ministerio de Cultura e Deporte súmase á celebración deste día coa iniciativa "Aptas para todos os públicos. Coa igualdade de xénero".

No pregón deste ano titulado "A sen conto", elaborado por Gemma Pasqual e traducido por Héctor Cajaraville, unha nena fai un recorrido ata chegar ao refuxio máis fermoso.

A biblioteca EPB e todo o CEIP Emilia Pardo Bazán organizou unha xornada de apadriñamento lector no que os nenos de maior idade de primaria léronlle un conto, recitaron unhas poesías, aprenderon sobre algún tema e descubriron as sorpresas que se agachan nos libros aos nenos de Educación Infantil e a 1º de E.P., os nenos/as de 2º de Primaria leron obras entre os tres grupos. Como di o lema das Bibliotecas Escolares de Galicia un bo exemplo de "Biblioteca escolar, viveiro de cidadanía."

Audiolibros na biblioteca

En anteriores entradas xa explicamos o proceso que seguimos para a elaboración de "Los cuentos del cole", que crearon los alumnos/as de 3ºC de E.P. Hoxe vos explicamos o proceso de creación de "Contos para Javi: material adaptado", que se desenvolveu principalmente na BiblioLab.

Os contos do cole

Xa está próximo a rematar un dos libros interactivos cos contos do cole nos que se combina a narración oral e escrita, a ilustración e a linguaxe con pictogramas. Durante estes meses os alumnos de 3ºC de E.P. estiveron elaborando uns contos con e para a súa compañeira Nerea, pero que poderán gozar deles todo o alumnado do centro.

Obradoiro de encadernación

O pasado mércores 31 os nenos/as de 6º de Educación Primaria compartiron cos membros de AFEXDI que acudiron ao centro unha xornada na que os libros foron os protagonistas. Deste xeito preinauguramos a biblioteca neste curso.