GUÍAS DE LECTURA DE NADAL 2025

 Deixamos por aquí as recomendacións lectoras deste trimestre, que coinciden coa festividade deste Nadal 2025. 

Esperamos que sexan do voso interese. 

Á volta de vacacións, moitas destas recomendacións estarán na nosa biblioteca do colexio. 

Recordade que para ler con calma cada diapositiva, podedes apretar co dedo na pantalla e aguantar. 

Bo Nadal e bo descanso! 

En verán libros e cine

Presentamos a guía de lectura de verán, na que propoñemos libros que consideramos interesantes e  pensamos que vos servirán para divertirvos e aprender durante o verán. Atoparedes obras para todos os niveis de lectura. Están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Tamén incluímos as recomendacións dos xogos dos que desfrutamos no club de lectura de ficción dixital ENRE2 EPB.

Protagonistas da vosa historia

Presentamos a guía de lectura do mes de decembro, na que propoñemos libros que consideramos interesantes e neste caso moitos deles están relacionados co cine, xa que tiveron unha adaptación audiovisual. Atoparedes obras para todos os niveis de lectura. Están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos.

Lembramos que a selección de obras de non ficción para "Un cole de cine", que están relacionadas coa temática desde diversas perspectivas, está publicada na páxina do catálogo da nosa biblioteca.

Un verán entre as follas

O curso remata e queremos compartir con vós algunhas recomendacións de lecturas para este verán, no que vos poderedes perder entre as follas dos libros baixo as follas das árbores dos nosos bosques e montes. Como en anteriores ocasións están ordenadas por niveis de lectura, desde prelectores ata lectores expertos. poderedes atopar diferentes xéneros en diferentes idiomas, ademais, nesta edición incluímos as recomendacións dos nenos/as que acuden ao club de ficción dixital ENRE2 EPB . Agardamos que vos resulten interesantes!

Historias para descubrir os bosques

Presentamos a guía de lectura do mes de decembro, na que propoñemos libros que consideramos interesantes pola súa calidade e por estar relacionados co PDI "Paisaxes encantadas", lembrade que tedes a selección de obras do proxecto na páxina web que acolle o noso catálogo. Atoparedes obras para todos os niveis de lectura, de ficción e de non ficción. Lembrade que están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Incluímos tamén obras de ficción dixital que nos parece interesante que sexan coñecidas

Onda Ti episodio 3

Remata a 4ª temporada de Onda Ti gravada integramente no novo estudio. Neste último programa do curso poderedes escoitar en primicia os audios das diversas seccións do programa e ademais a música do Coro das emocións. Preparados para desfrutar de case 90' de radio?

Viaxes cos libros

O curso remata e queremos compartir con vós algunhas recomendacións de lecturas para este verán. Como en anteriores ocasións están ordenadas por niveis de lectura, desde prelectores ata lectores expertos. poderedes atopar diferentes xéneros en diferentes idiomas, ademais, nesta edición incluímos obras de ficción dixital. Agardamos que vos resulten interesantes!

Onda Ti episodio 2

Finaliza o segundo trimestre e chega o segundo episodio da 4ª temporada de Onda Ti, xa chegamos ao programa número vinte! Nestes meses no estudio de Emilia na Onda fomos gravando e realizando diversas gravacións que nalgúns casos xa foron sendo publicadas na canle, pero noutros poderedes escoitalas por primeira vez neste programa. Atentos/as porque vos agardan seccións coas que esperamos que desfrutedes. 

Volve Onda Ti - T4

Comeza a 4ª temporada de Onda Ti, o programa no que condensamos moitos dos produtos radiofónicos que imos producindo durante o trimestre no estudio de Emilia na Onda, e con ela a continuación de seccións xa tradicionais, mais tamén o inicio doutras que de seguro que vos parecerán moi interesantes.

É tempo de ler!

Presentamos a guía de lectura do mes de decembro, na que propoñemos libros que consideramos interesantes pola súa calidade, continuando co desenvolvemento do PDI Galeguízate! incluímos lagunha obra que pode axudar a coñecer máis o patrimonio material e inmaterial de Galicia, lembrade que tedes a selección de obras do proxecto na páxina web que acolle o noso catálogo. Atoparedes obras para todos os niveis de lectura, de ficción e de non ficción. Lembrade que están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Incluímos tamén dous xogos de mesa para divertirnos e aprender co patrimonio.

Lecturas violetas

O próximo venres é 25N, Día contra a violencia de xénero, con este motivo o EDLG e EACE convidou ás clases a realizar diversas actividades, desde a biblioteca queremos colaborar na abordaxe da violencia de xénero coa exposición de fondos que incorporamos ao mural realizado polo EDLG e EACE. Tamén queremos compartir a guía "Lecturas violetas" que está accesible na plataforma Koha da biblioteca.

Leva un libro contigo!

Rematamos o curso compartindo a guía de lectura de verán, na que propoñemos libros para todos os niveis de lectura, de ficción e de non ficción. Lembrade que están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Incluímos tamén algunha recomendación para os adultos da familia.

Episodio 2 de Onda Ti

Publicamos o segundo episodio da terceira tempora do programa Onda Ti, no que recollemos as gravacións dos nenos/as das diferentes etapas e cursos do CEIP Emilia Pardo Bazán. Este programa, que comezou no confinamento, quere ser unha recompilación do traballo que desenvolve o alumnado no estudio de Emilia na Onda. Como en anteriores ocasións a próxima semana cada sección estará publicada no respectivo programa da canle en Ivoox.

Onda Ti - Temporada 3

Pensabades que non había Onda Ti neste curso? Pois si, aquí tedes o primeiro episodio do noso programa comezando xa a terceira temporada.

Este trimestre tivemos moitas gravacións e irémolas publicando durante este mes nas diferentes seccións da nosa canle en Ivoox, pero queriamos facer o primeiro episodio cunha escolla destes podcast e recuperando seccións clásicas do programa.

Mergúllate nos libros!

Aquí tedes recén saída do forno a guía de lectura do mes de decembro, na que propoñemos libros relacionados cos mares e océanos, continuando co desenvolvemento do PDI Mergúllate! Atoparedes obras para todos os niveis de lectura, de ficción e de non ficción. Lembrade que están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Incluímos dous libros para adultos de Emilia Pardo Bazán para pechar o ano do centenario da súa morte.

Deixa voar a túa imaxinación cun libro

Publicamos a guía de lectura do mes de xuño con recomendacións para viaxar a través dos libros. Como sempre, tedes libros para todos os niveis de lectura, lembrade que están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Podedes botarlle un ollo estes libros que os temos expostos no corredor de entrada e seguro que tamén os podedes atopar nas bibliotecas municipais. Agardamos que esta variada selección sexa do voso agrado e consiga que poidades viaxar a través das súas páxinas.

Biblioteca aberta!

Este curso o noso colexio non poderá acoller as visitas das familias que queren coñecer o centro no que estudarán os seus fillos/as no próximo curso nas xornadas de portas abertas. Debido a este inconveniente, desde o equipo directivo veñen de publicar na páxina web do colexio un documento para que vos acheguedes aos espazos e opinións dos nenos/as que xa estudan no CEIP Emilia Pardo Bazán.

Os voluntarios/as de 6º de E.P. quixeron mostrar os distintos espazos da biblioteca a través de tres vídeos nos que mostran algunhas das actividades que se poden desenvolver e falan da súa experiencia neles.

Deixámosvos co seu traballo...

O mundo nas túas mans

Estas son as recomendacións que realizamos desde o equipo de biblioteca na edición de decembro. Na guía de lectura atoparedes libros e aplicacións para todas as idades, desde os que comezan a ler ata os máis experimentados.

Nesta edición incorporamos as recomendacións das bibliotecarias da B.M. Los Rosales dentro da sección "Na onda dos libros" e tamén o primeiro podcast dunha nova peza do programa "Onda Ti", que vos adiantamos a continuación na guía, e que se chama "Novos do trinque". Libreiras da cidade fannos as súas achegas, nesta primeira edición contamos coas novidades que nos traen desde Moito Conto.

Libros con sabor e saber

Photo by Aaron Burden on Unsplash

Este curso non recibiredes en papel a guía de lectura, como todos os anos, pero non quixemos deixar de compartir con toda a comunidade educativa esta selección de lecturas relacionadas, na maioría dos casos, co tema sobre o que estivemos investigando ao longo destes meses. Por este motivo os libros que compoñen a guía teñen sabor e saber.

Libros con sabor a natureza

Esta é a guía de recomendacións de lecturas que elabora o Equipo de Biblioteca do CEIP Emilia Pardo Bazán para estas datas. Todas estas obras están no expositor diante da biblioteca, están á vosa disposición na Biblioteca do centro.
Están estruturadas pola competencia lectora e seleccionando obras de narrativa, poesía, banda deseñada e nesta edición escollemos a inclusión de xogos de mesa e aplicacións para dispositivos móbiles.