Amosando publicacións coa etiqueta Leóns Dourados. Amosar todas as publicacións
Amosando publicacións coa etiqueta Leóns Dourados. Amosar todas as publicacións

mércores, 18 de xuño de 2025

Leóns Dourados 2025

Como xa é tradicional desde hai moitos anos a biblioteca entregou hoxe o Diploma "Leóns Dourados", xunto a outros agasallos, ao alumnado de cada nivel que levou emprestados máis libros durante o curso. Así, alumnado que vai cada semana co seu titor/a a escoller os libros de ficción e non ficción nos espazos da biblioteca e que tamén acude nos recreos para levar para as súas casas os seus libros preferidos e outros que agardan ser descubertos, foi sumando préstamos ao longo do curso.

Parabéns a todas as nenas/os premiados e moitas grazas ao alumnado e profesorado do centro por manter viva a nosa biblioteca!

xoves, 13 de xuño de 2024

Leóns dourados

O mércores todo o centro puido felicitar ao alumnado que máis libros levou emprestados da biblioteca durante o curso. En cada nivel houbo un premio e  recibiron un grande aplauso do resto de compañeiras/os.

martes, 30 de maio de 2023

Fin de curso

Esta semana, o venres 2 de xuño, os espazos de biblioteca pecharán as súas portas para realizar as tarefas de mantemento habituais para prepararnos xa para o próximo curso. Por este motivo, estarán pechados tanto pola mañá como pola tarde, salvo para actividades puntuais programadas polo centro ou o equipo de biblioteca.

Lembrade que aínda nos quedan algunhas actividades, como despedir ao alumnado colaborador de 6ºEP pola súa implicación durante todo o curso na xestión da biblioteca nos recreos e tamén entregar os premios dos Leóns Dourados deste ano.

Queriamos pedirvos tamén que completedes a  enquisa de valoración aberta tanto para familias, como alumnado e profesorado. Nesta mesma entrada podedes acceder ás de alumnado e familia. Moitas grazas pola vosa colaboración.

xoves, 18 de xuño de 2020

Premios dos Leóns Dourados

Este final de curso foi moi diferente ao habitual, pero máis nestes momentos quixemos manter a tradicional entrega de premios de Leóns Dourados, nos que se valora a cantidade de libros que se levaron emprestados dos fondos da biblioteca. Este curso decidimos entregar estes premios aos oito nenos/as que máis empréstitos rexistrados temos na aplicación. 

luns, 24 de xuño de 2019

Premios dos Leóns dourados

O pasado xoves entregáronse os premios dos "Leóns dourados" aos lectores/as  de primaria que máis fondos levaron prestados da biblioteca.