Amosando publicacións coa etiqueta realidade aumentada. Amosar todas as publicacións
Amosando publicacións coa etiqueta realidade aumentada. Amosar todas as publicacións

sábado, 13 de setembro de 2025

XA ESTAMOS DE VOLTA !

Xa estamos de volta para o curso 2025 - 2026. 


E como xa é costume, celebramos o 1º día da volta ao cole con diferentes actividades, sendo unhas destas o recuncho de lectura, o de xogos de lóxica e creativos, e tamén o espazo de realidade aumentada. 

Aquí vos deixamos unhas fotografías do que vivimos este pasado luns. 

Mentres tanto, a biblioteca estase a preparar e organizar para poder abrir as súas portas o próximo luns 13 de outubro. Mentres tanto, tedes as bibliotecas de aula con libros moi interesantes e pronto chegarán as caixas trimestrais de "Tédelos que coñecer!" cunha variedade de libros que fará que estas semanas pasen máis rápido.


Estas semanas e as próximas semanas levaranse a cabo as formacións de usuarios dos grupos de voluntarios/as da biblioteca, do profesorado e do alumnado de nova incorporación para que todos e todas poidamos coñecer o funcionamento da biblioteca.

E non esquezades que este luns 15 de setembro ás 20:00 tedes unha tarefa: INSCRIBIRVOS NOS CLUBS DE LECTURA E DIÁLOGOS DA BIBLIOTECA!!!


xoves, 12 de maio de 2022

Navegando pola Historia

Presentamos a liña de tempo que elaborou o alumnado de 2º de EP, aproveitando as preguntas presentadas no concurso "Mergúllate na información", sobre diversos acontecementos históricos relacionados co mar e os océanos. Esta liña actualizarase con achegas doutros cursos sobre fitos que consideraron de interese. Ademais incluiremos na liña do corredor de entrada ligazóns a esta información.

sábado, 27 de marzo de 2021

Unha semana con pingas de poesía

Rematamos a semana na que recibimos unhas pingas de poesía de diversos xeitos e con distintas iniciativas que se foron desenvolvendo.

Comezamos coa exposición de obras de poesía que montamos na entrada da biblioteca e coa queriamos visibilizar estas obras e favorecer a súa lectura.

domingo, 21 de marzo de 2021

Pingas de poesía

Vía accionpoetica.com

O 21 de marzo celébrase o Día da poesía, no que se conmemora "unha das formas máis apreciadas da expresión e identidade e lingüística da humanidade". Esta celebración promovida pola UNESCO vense realizando desde o ano 1999.

Esta semana queremos que haxa unhas pingas de poesía por todo o colexio, por isto non vos extranedes se na entrada ao centro ou dentro dos edificios de Educación Infantil e Primaria atopádesvos cunhas pingas multicolor que conteñen dentro algunha das poesías que escolleron as voluntarias/os da biblioteca. Para descubrilas teredes que utilizar a aplicación Assembler, no vídeo desta entrada vén explicado como descargala e escanear os códigos.

Continuaremos con esta semana adicada á poesía o martes, xa que visitará o colexio Dores Tembrás. Os nenos/as de 6º de E.P. participarán nuns obradoiros de Poesía+Graffitti. Recuperamos esta actividade, que quedou pendente hai un ano debido ao confinamento pola pandemia e coa que estamos devecendo "adentrarnos no misterio da linguaxe e a emoción".

martes, 23 de febreiro de 2021

Paseando con Emilia pola Historia

Emilia Pardo Bazán viviu 70 anos, desde o ano 1851 ata a súa morte en 1921, nos que presenciou e foi testemuña de innumerables acontecementos que tiveron gran transcendencia na historia de Galicia, España e o mundo. Por este motivo, consideramos que debiamos facer un paseo pola Historia nestes anos, formando parte da investigación do proxecto e deixando unhas pingas de información sobre estas páxinas da historia.