OBRADOIRO POESÍA - FAMILIAS

Seguindo co día da poesía, tamén levamos a cabo un obradoiro no programa de "Lectura e familias" con Dores Tembrás e as familias do noso colexio. 

Dores veu para que as familias e os seus fillos/as escribiran sobre papel "as súas cousas favoritas" relacionadas coa cidade da Coruña. 

Foi, coma sempre, moi emotivo e moi necesario. Compartir ese ratiño de tempo xuntos, falando e comentando recordos con persoas e lugares que son importantes para nós é algo que vai quedar para sempre nas nosas memorias. 

Grazas ás familia que participaron e grazas de novo á nosa Dores, visitante xa habitual e case obrigatoria do noso colexio.

OBRADOIRO POESÍA 6ºEP

 Este curso volvemos repetir o obradoiro de poesía da man de Dores Tembrás para o alumnado de 6ºEP. Parécenos importante que poidan plasmar as súas inquedanzas, preocupacións ou sentimentos e emocións, sobre todo neste último curso, despois de 9 anos no mesmo colexio. Ese paso á secundaria vén acompañado de moitas sensacións, e a rapazada sempre é capaz de exteriorizar estas, a través deste obradoiro de poesía. 

Grazas de novo, Dores por vir sempre onde nós como se fose "casa".

CONCURSO PDI POESÍA - MES DE MARZO

Xa está aquí o concurso de marzo do noso PDI "Vivir na Coruña".

Esta vez pedímosvos que escribades un poema en galego, vendo as fotografías de A Coruña antiga que vos propocionamos. Buscade ideas nos libros que vos facilitamos. 

Poñede en xogo a vosa creatividade, emocións e poder de imaxinación. 

Deixamos abaixo as instrucións por cursos. 

Lápiz e papel a crear.

Grafitti e poesía con Dores Tembrás

O alumnado de 6ºEP estivo o venres experimentando coa poesía con Dores Tembrás a través do obradoiro de "Poesía e Grafitti" exploraron este xénero literario e tamén as súas emocións nunha xornada na que este xénero literario engaiolou a alumnado e profesorado. Un bo modo de celebrar o Día da poesía!

Encontro con Raúl Vacas

O poeta Raúl Vacas visitounos hoxe para iniciar as celebracións polo Día da poesía e, unha semana antes, compartir co alumnado de 1º e 3º de Educación Primaria a maxia da poesía.

Que ben o pasamos!

Obradoiros de poesía con Dores Tembrás

O alumnado de 6ºEP estivo o venres experimentando coa poesía con Dores Tembrás a través do obradoiro de "Poesía e Grafitti" exploraron este xénero literario e tamén as súas emocións nunha xornada na que este xénero literario engaiolou a alumnado e profesorado.

Onda Ti versión primavera

Programa que coincide co inicio da primavera e coa semana da poesía no que aproveitamos para publicar diversos produtos sonoros que se foron gravando no estudio de Emilia na Onda ao longo do trimestre.

Panel Primavera poética

Nesta entrada iremos publicando os produtos das diferentes accións promovidas con motivo da celebración do Día da poesía no panel que podedes consultar a continuación.

Primavera poética

Comezamos a celebración do Día da poesía con varias accións nas que trataremos dar visibilidade e fomentar a lectura e escritura deste xénero literario.

Xa tedes na entrada da biblioteca expostos diversos fondos para todos os lectores/as que nos achegan á poesía. Lembrade que en todas as caixas de Tédelos que coñecer! hai poemarios adaptados ás vosas idades.

Poesía para comezar o día (semana 4)

Entramos na última semana do mes de marzo na que soarán pola megafonía do centro, na entrada e na hora de ler, os poemas que gravaron diversos membros da comunidade educativa. Xa están á vosa disposición na canle de "Emilia na Onda", as seguintes obras de Emilio pita, Xosé Mª Álvarez, Antonio García Teijeiro e o alumnado de 3ºC, recitadas polo alumnado de EI, 3ºC de EP, Marco e Noa.

A amizade nun libro polo Día da poesía

O 21 de marzo celébrase o Día da poesía, nós, como xa sabedes, estamos a celebrar todo o mes, adicando as entradas e algún momento da Hora de ler para que soe por megafonía un poema relacionado con Galicia recitado por algún membro da comunidade educativa, pero para hoxe temos resevada unha celebración moi especial, como é a segunda xornada da "Amizade nun libro", no que o alumnado compartirá libros de poesía e obras creadas por eles/as mesmos.

Nesta entrada publicaremos as imaxes desta xornada. Feliz Día da poesía!

Poesía para comezar o día (semana 3)

Nova semana na que soarán pola megafonía do centro, na entrada e na hora de ler, os poemas que gravaron diversos membros da comunidade educativa. Xa están á vosa disposición na canle de "Emilia na Onda", as seguintes obras de Federico García Lorca, Rosalía de Castro, Luisa Villalta e Dores Tembrás, recitadas por Montse, alumnado de EP, Nieves, Mar e alumnado de EI.

Poesía para comezar o día (semana 2)

Esta semana emitiranse pola megafonía do centro na entrada e na hora de ler as poesías que gravaron diversos membros da comunidade educativa. Xa están á vosa disposición na canle de "Emilia na Onda", as seguintes obras de Manuel María, Emily Dickinson, Celso Emilio Ferreiro, María Ares e Manuel Rivas, recitadas por Gonzalo, Rosa, Conchy, Aurora e María José.

Poesía para comezar o día

BY r2hox Licenza CC BY-SA

Continuamos emitindo pola megafonía do centro na entrada e na hora de ler as poesías que diversos membros da comunidade educativa gravaron e que soarán esta semana. Xa están á vosa disposición na canle de "Emilia na Onda", as seguintes obras de Antonio García Teijeiro, Carlos Negro, Emilia Pardo Bazán, A. Noriega Varela e Celso Emilio Ferreiro, recitadas por Iolanda, Marco e Pablo, Diego, Conchy, Gianni e Isabel.

Mes da poesía

Comeza marzo  e queremos darlle a benvida cunha chea de poesía, así, comezaremos cada día deste mes cun poema recitado por membros da comunidade educativa. Recitaranse poemas relacionados con Galicia, ben sexa pola temática como polo autor/a da obra. Ao longo do mes iremos detallando novas actividades, que se celebrarán na semana da poesía (20-24 de marzo), estade atentos/as!

A muller e o mar

Retomamos o concurso logo do entroido cunha semana na que celebramos o Día da muller. Para responder ás preguntas desta semana teredes que procurar nos libros que hai na exposición e nos recursos Mergúllate! para atopar a estas mulleres que desafiaron leis e loitaron polos seus dereitos, neste caso no ámbito marítimo.

Dous poemas ao día

O próximo 21 de de marzo celebrarase o Día da poesía, pero queremos promocionar este xénero entre o profesorado e alumnado durante todo o mes, así, hoxe comezamos coa iniciativa de "Dous poemas ao día". No momento de entrada ao centro unha mestra/e ou adulto da comunidade educativa do centro soará pola megafonía recitando un poema da súa elección, "Poesía para comezar o día". A intención é que se fale deste poema e que se utilice para algunha actividade dentro da aula.

Na saída tamén soará un poema, "Poesía para rematar o día", neste caso recitado por alumnado voluntario da biblioteca escolar.

Hoxe comezamos coas dúas primeiras propostas por parte da mestra de Educación Infantil Mar e polo voluntario da aula de 6ºD Martín. Na nosa canle de iVoox de "Emilia na onda" iremos publicando os audios de cada xornada.

Día do Libro (actualizado)

Chegou o día no que celebramos o Día Mundial do Libro e o Dereito de Autor . Desde o equipo de biblioteca quixemos poñer en marcha tres iniciativas coas que pretendemos visibilizar a importancia dos libros nas nosas vidas.

Presentámosvos o resultado destas propostas que estivemos a desenvolver estas semanas e que permanecerán abertas a novas achegas que nos queiradees enviar nos próximos días. Agardamos que vos gusten e gocedes con elas. FELIZ DÍA DO LIBRO!

Unha semana con pingas de poesía

Rematamos a semana na que recibimos unhas pingas de poesía de diversos xeitos e con distintas iniciativas que se foron desenvolvendo.

Comezamos coa exposición de obras de poesía que montamos na entrada da biblioteca e coa queriamos visibilizar estas obras e favorecer a súa lectura.

Concurso semana 8

Photo by Thought Catalog on Unsplash

Como sabedes estamos celebrando a semana da poesía, por este motivo cremos que as preguntas do concurso debían estar relacionadas. Aproximarémonos á única obra de poesía que escribiu Emilia Pardo Bazán, prestade atención ás preguntas!