Actividades polo Día do Libro

Actividade en 6ºEI

Actividade en 6ºEI

Publicamos o resultado das diversas accións que desenvolvemos con motivo do Día do Libro 2022. Comezamos o día 29 de abril realizando no recreo un programa de radio que emitimos pola megafonía do centro e na que alumnas voluntarias de biblioteca foron dando paso ás recomendacións de libros e lectura de parágrafos destes que fomos gravando durante a semana. Todas as accións sonoras pola celebración do Día do Libro 22 están recollidas na canle de Emilia na Onda.

A nosa imaxe

Como podedes ver na parte superior deste blog a biblioteca ten unha nova imaxe. Trátase dunha obra creada por Paula Canedo e que resultou gañadora do concurso dos Leóns Dourados do curso pasado. Gustounos tanto que a adoptamos como un dos nosos símbolos que dotará á biblioteca de identidade propia.

Estamos de estrea

Photo by Charl van Rooy on Unsplash

Este curso estreamos este blog, "Biblioteca EPB", co que pretendemos establecer un vínculo con todos vós, informarvos das diferentes actividades que se vaian desenvolvendo nas distintas seccións da biblioteca, os novos fondos que vaiamos adquirindo, recomendacións de lectura, entre outras.