Apertura de inscrición aos Clubs de Lectura e Diálogos Creativos

Este curso seguimos desenvolvendo actividades relacionadas coa lectura, o pensamento computacional e o pensamento creativo en horario extraescolar polas tardes.

Presentámosvos os diferentes Clubs de Lectura e Diálogos aos que poderedes inscribirvos o alumnado de 4ºEP, 5ºEP e 6ºEP. A continuación tedes toda a información de cada unha destas actividades organizadas dependendo o curso no que esteades este ano.

Esta preinscrición deberá confirmarse coa entrega do formulario de inscrición que vos  entregará a mestra mediadora dos respectivos clubs. 

Esta entrada actualizarase periodicamente para informar dos clubs que esgotaron xa as súas prazas.

XA ESTAMOS DE VOLTA !

Xa estamos de volta para o curso 2025 - 2026. 

E como xa é costume, celebramos o 1º día da volta ao cole con diferentes actividades, sendo unhas destas o recuncho de lectura, o de xogos de lóxica e creativos, e tamén o espazo de realidade aumentada. 

Aquí vos deixamos unhas fotografías do que vivimos este pasado luns. 

Mentres tanto, a biblioteca estase a preparar e organizar para poder abrir as súas portas o próximo luns 13 de outubro. Mentres tanto, tedes as bibliotecas de aula con libros moi interesantes e pronto chegarán as caixas trimestrais de "Tédelos que coñecer!" cunha variedade de libros que fará que estas semanas pasen máis rápido.

Estas semanas e as próximas semanas levaranse a cabo as formacións de usuarios dos grupos de voluntarios/as da biblioteca, do profesorado e do alumnado de nova incorporación para que todos e todas poidamos coñecer o funcionamento da biblioteca.

E non esquezades que este luns 15 de setembro ás 20:00 tedes unha tarefa: INSCRIBIRVOS NOS CLUBS DE LECTURA E DIÁLOGOS DA BIBLIOTECA!!!

En verán libros e cine

Presentamos a guía de lectura de verán, na que propoñemos libros que consideramos interesantes e  pensamos que vos servirán para divertirvos e aprender durante o verán. Atoparedes obras para todos os niveis de lectura. Están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Tamén incluímos as recomendacións dos xogos dos que desfrutamos no club de lectura de ficción dixital ENRE2 EPB.

Episodio 3 de Onda Ti

Remata a 6ª temporada de Onda Ti gravada integramente no novo estudio. Neste último programa do curso poderedes escoitar en primicia os audios das diversas seccións do programa e, ademais, a música do Coro das emocións. Preparados para desfrutar de case 90' de radio?

Leóns Dourados 2025

Como xa é tradicional desde hai moitos anos a biblioteca entregou hoxe o Diploma "Leóns Dourados", xunto a outros agasallos, ao alumnado de cada nivel que levou emprestados máis libros durante o curso. Así, alumnado que vai cada semana co seu titor/a a escoller os libros de ficción e non ficción nos espazos da biblioteca e que tamén acude nos recreos para levar para as súas casas os seus libros preferidos e outros que agardan ser descubertos, foi sumando préstamos ao longo do curso.

Parabéns a todas as nenas/os premiados e moitas grazas ao alumnado e profesorado do centro por manter viva a nosa biblioteca!

Os nosos pensamentos en luces led

DIÁLOGOS FILOSÓFICOS é unha actividade extraescolar mensual na que o alumnado de Educación Primaria dialoga entre si, compartindo e argumentando os seus puntos de vista sobre a vida que lles e nos rodea.

Como di Irene de Puig, quen foi ata a súa xubilación directora do GrupIREF (Grupo de Innovación e Investigación polo Ensino da Filosofía), non se trata de que logren convencer aos seus compañeiros e compañeiras para que copien o seu estilo de vida, pero tampouco é un simple falar por falar. Este diálogo supón facer o esforzo necesario para que outras persoas poidan comprender, con claridade e consistencia, o que de verdade pensan.

Familias e lectura

Hoxe finalizamos dous programas como son "Biblioteca e Familias" e os Clubs de lectura co acto no que Pablo Díaz fixo unha actividade de animación a lectura contándonos uns contos e combinando coa súa música.

Exposición incompleta: unha Instalación artística na Biblioteca Municipal de Los Rosales

A colaboración bibliotecaria é esencial no desenvolvemento das crianzas, así, seguindo as sinerxias establecidas xa hai anos entre ambas bibliotecas, o alumnado de 6ºB de Educación Primaria deixou na Biblioteca Municipal de Los Rosales unha EXPOSICIÓN INCOMPLETA. Así foi o proceso:

Avaliación do curso

O pasado venres a biblioteca pechou as súas portas para prepararnos para a apertura no próximo curso. Como parte do proceso continuo de mellora gustaríanos coñecer a vosa opinión sobre distintos aspectos e valoración tanto do traballo do equipo de biblioteca como dos servizos que se propuxeron desde a biblioteca durante este curso

Pedímosvos uns minutos do voso tempo para que contestedes ás preguntas do formulario e nos axudedes a mellorar para próximos cursos.

Obradoiro de caracterización no cinema

Hoxe tivemos con nós a Erea Pérez que nos mergullou no que pasa antes de que as cámaras comecen a gravar e o labor das persoas caracterizadoras de actrices e actores para desenvolver os seus papeis. Erea realizou un obradoiro co alumnado no que elaboraron unha queimadura, cun aspecto moi real, utilizando diversos materiais, ademais combinou co seu labor no mundo do cinema. Posteriormente o alumnado de 4ºB realizoulle unha entrevista no estudio de Emilia na Onda.

Comerte a versos

A cociña e a poesía, que marabillosa maridaxe! Dores Tembrás tivo hoxe un encontro coas familias do colexio para poñerse a cociñar versos coas criazas e os seus familiares a través da proposta "Comerte a versos". Coñecer a poesía, identificar as nosas receitas de cociña preferidas e a vinculación coas nosas emocións, coas nosas experiencias para despois transformalo nunha obra poética. A continuación tedes algunhas das producións das familias que acudiron á biblioLab para escribir xuntos:

Cine en familia

O alumnado de 3ºEP desfrutou dunha xornada co pai dunha alumna destes grupos que compartiu con nós a Liña de tempo do cine, de elaboración propia, e que quiso ensinar ao resto de compañeiros/as.

Fomos percorrendo a historia do cine, desde os seus inicios ata a actualidade, coñecemos aos precursores, personaxes, actores/actrices...

Luces, cámara...pregunta!

Iniciamos a última fase do concurso no que estamos a investigar e aprender sobre o mundo cine a través deste concurso "Luces, cámara...pregunta!", dentro do Proxecto Documental Integrado "Un cole de cine". Neste mes de maio adicado ás Letras Galegas achegarémonos a autores/as homenaxeados/as e a súa relación co cinema. Estades preparadas/os!

A YEAR OF FILMS: The Oscar ceremony

 And the Oscar goes to.... This was the expression we heard the most in the last session of our book clubs. And it couldn´t be different! After A year of films,  experiencing books through the eyes of the seventh art, can you think of a better way to put an end to it than with the Oscar Ceremony? To do so, we counted on the presence of the president in Spain of the Academy of Motion Pictures Arts and Sciences, Mr. Kevin MacNamee. He kindly offered us a summary about cinema and helped us in the process of voting our favourites in 4 categories: best actor, best actress, best film and best story. Aren´t you looking forward to seeing the winners? Ladies and gentlemen, the Oscar goes to...

Obradoiro coa imprenta

O alumnado de 2ºEP gozou dunha experiencia de creación de carteis cunha imprenta con Aloutte Machine, ademais de aprender como funcionaba esta puideron desenvolver a súa creatividade para o deseño dos cartaces. Ao longo da mañá foron tomando forma as súas obras que quedarán expostas na biblioLab.

Estes foron algúns dos momentos das sesións...

Obradoiro de Stopmotion

O alumnado de 1º de EP participou nun taller para aprender a facer películas de animación con Algarabía animación. Primeiro tiveron que modelar con plastilina ás personaxes protagonistas da historia, que, como ía a estar ambientada no medio mariño, foron peixiños e cangarexos. A continuación, coa aplicación Stopmotion instalada nas tabletas da biblioteca comezaron a gravar as súas obras. Vendo resultado queda a vista que o fixeron moi ben, parabéns!

Biblioteca e familia: "Comerte a versos"

O próximo 22 de maio realizaremos unha xornada de Biblioteca e Familia titulada "Comerte a versos" dirixida por Dores Tembrás e que se centrará na relación entre poesía e cociña. Partindo do vínculo que cada un de nós mantén con determinadas receitas e aquilo que o sentido do gusto pode desatar na memoria. Dende aí faise a proposta de escrita. O enunciado é sinxelo pero desafiante: escribir o que significa unha determinada elaboración ou receita na nosa vida.
A sesión estará apoaida en poemas de autores de prestixio como Wislawa Zzymborska, Gabriela Mistral, Miguel Hernández ou Mark Strand que exploraron con éxito esta relación para achegarnos ao noso propio vínculo.
O obxectivo é que entre a familia e o alumno/a compoñan un breve texto, no que palpite o seu vínculo a través da cociña. O exercicio rematará escribindo este poema nunha cartolina a modo de receita que os nenos e nenas poderán ilustrar con recortes e debuxos.

Luces, cámara... pregunta!

No mes de marzo coñecemos a mulleres que están relacionadas co cinema, resaltando o papel da muller no seu desenvolvemento. Deste xeito, despois de observar as imaxes e as pistas que se deixaron no corredor de entrada, tivestes que descubrir o nome e apelido das mulleres presentadas, as profesións e lugar de nacemento de cada unha das mulleres e algunha das películas nas que participou cada unha das mulleres.

Episodio 2 de Onda Ti

Chega de novo Onda Ti, achegamos un programa cargadiño de contidos primaverais, todos moi fresquiños. O estudio de Emilia na Onda estivo a pleno rendimento durante todo o trimestre, no programa que presentamos tedes as seccións tradicionais e outras puntuais que cremos que serán do voso gusto. Queremos agradecer ao alumnado e profesorado implicado neste proxecto, así como todas as persoas que pasaron polo estudio para compartir con nós as súas experiencias.

A YEAR OF FILMS: Adventure films

Have you ever dreamt of a life of adventure? Adventurous dreams reflect a subconscious desire for new experiences, exploration or change in your waking life. This could also indicate a need for excitement or a break from routine. But how can we do it in real life? Through films, of course! Adventure movies contain many of the same features of action movies, but are usually set in exotic locations. The main theme is adventure, with the characters often exploring places they have not been before or doing things they have not done before. 

One of the most celebrated British actresses of these type of films is Emma Watson who presents  the 2 stories we are reading at the moment: "5 children and it" by E. Nesbit  and "The borrowers" by Mary Norton.  Click HERE for more information about this exciting genre or about our sessions. 

Entrevistas dun Cole de cine

Durante este trimestre recibimos a varias persoas relacionadas co mundo do cinema no Estudio de Emilia na Onda. Nestas actividades de radio pretendemos que haxa un traballo previo de preparación da información e de que preguntas lles podemos realizar as diferentes persoas que acuden ao noso centro, ademais de achegarnos á visión adulta das diferentes profesións do cine que foron pasando polo estudio e a relación entre entrevistado/a e entrevistadores/as.

Deseño 3D e cine

Comezaron os obradoiros que se desenvolverán a partires de agora e ata final de curso no que se relacionará o deseño 3D con diferentes aspectos do cinema. Ao longo deste tempo utilizaránse diferentes aplicacións para os deseños do alumnado, adaptando a metodoloxía á idade dos nenos/as, así cos cursos de 1º a 4º de EP utilizamos a app Doodle3D Transform, en 5º e 6º de EP utilizarase Tinkercad no proceso de deseño. Complementarase o obradoiro coa participación nun Kahoot de xeito colectivo.

Grafitti e poesía con Dores Tembrás

O alumnado de 6ºEP estivo o venres experimentando coa poesía con Dores Tembrás a través do obradoiro de "Poesía e Grafitti" exploraron este xénero literario e tamén as súas emocións nunha xornada na que este xénero literario engaiolou a alumnado e profesorado. Un bo modo de celebrar o Día da poesía!

Encontro con Raúl Vacas

O poeta Raúl Vacas visitounos hoxe para iniciar as celebracións polo Día da poesía e, unha semana antes, compartir co alumnado de 1º e 3º de Educación Primaria a maxia da poesía.

Que ben o pasamos!

Luces, cámara... pregunta!

No mes de marzo seguimos investigando e aprendendo sobre o mundo cine a través do concurso "Luces, cámara...pregunta!", dentro do Proxecto Documental Integrado "Un cole de cine". Neste mes coñeceremos a mulleres que están relacionadas co cinema, resaltando o papel da muller no seu desenvolvemento.

A YEAR OF FILMS: Fantasy films

Have you ever wished to live in a fantasy world?  Then let you imagination fly and follow us into another dimension. Fantasy books and films have accompanied us since immemorial time. These stories are absolutely fascinating and timeless, but what does it make them so engaging? Well, to start with, they take place in enchanted sites. Its characters usually have magical powers and may include witches, elves, fairies, giants, dragons, monsters, talking animals... There is also a struggle between the forces of good and evil, so the protagonists often need to undertake a difficult quest or journey. Fair enough!

Entrevista a Isabel Rega e Ledicia Bellón

O pasado mes de xaneiro inauguramos o noso paseo da fama coa visita ao centro de Isabel Rega e Ledicia Bellón, que compartiron con nós unha charla co alumnado de 4º de Educación Primaria sobre o seu labor no mundo do cinema e tamén nos oncederon unha entrevista no estudio de Emilia na Onda que realizaron Ainara e Anxo, alumnos de 4º de Educación Primaria.

Escornabot e cine

Os obradoiros de biblioteca durante este trimestre exploran  e aprenden cos escornabot para achegarnos a diferentes aspectos sobre o cinema. A través dos taboleiros realizados polo equipo de biblioteca o alumnado percorre xunto co escornabot películas, personaxes, xéneros, entre outros aspectos. O alumnado, ademais das aprendizaxes adquiridas, levou un agasallo realizado coa impresora 3D.

Día de Rosalía

Achégase a conmemoración do día do nacemento de Rosalía de Castro. A Fundación Rosalía de Castro propón, como cada ano, diversas actividades para lembrar a escritora galega. Este curso coa actividade de Caldo de Gloria, inspirado no poema "Miña casiña, meu lar", relacionan a súa poesía co ámbito culinario. O que propoñemos facer no centro é transformar unha receita de cociña, realizada con produtos de uso cotía e de orixe galego, nun poema moi saboroso. Poderedes gravar coa vosa voz estas obras no estudio de radio, ademais se queredes podemos gravarvos lendo poemas de Rosalía de Castro nos recreos coa axuda dos voluntarios de biblioteca. Animádevos a celebrar a semana de Rosalía de Castro!

Luces, cámara...pregunta!

No mes de febreiro continuamos con "Luces, cámara...pregunta!" no que, dentro do Proxecto Documental Integrado "Un cole de cine", estamos a aprender sobre diferentes cuestións sobre o cinema. Neste mes veremos algúns dos eventos que festexan a produción de cinema como son os festivais de cine.

A YEAR OF FILMS: Period dramas

Do you fancy a trip to the past? Then you need a PERIOD DRAMA. A period drama is a story set in a specific historical era, showcasing detailed settings and costumes reflecting that time. These dramas emphasize historical authenticity, often covering eras like the Victorian period, medieval times, and more. One of the most legendary actors of these type of films was sir Sean Connery. Although he was the most famous James Bond of all times, we followed him today into his 2 most fascinating roles of his long career: Robin Hood and King Arthur. He helped us finish the 2 titles we had  started in the previous session: "Robin Hood" and "King Arthur and the sword in the stone". And he even named us knights and dames of the British Empire. Don´t miss the trailer!

ENRE2 nas Xornadas de Biblioteca Creativa

Este próximo mércores presentaremos dentro da Xornada de biblioteca creativa 2025 a experiencia de creación e desenvolvemento do Club de videoxogos ENRE2 EPB que botamos a andar no curso pasado. Aproveitamos para lembrar que ontes comezamos a xogar a Gorogoa e no que o alumnado tivo a oportunidade de pensar xuntos no significado das imaxes que se ían presentando ao longo do xogo e tamén nos mecanismos de xogo que se presentan nesta obra de Buried Signal, na que a banda sonora está composta por Joel Corelizt e publicado por Annapurna.

Semana da paz

A biblioteca sumouse á celebración do  Día Escolar da Non violencia e a Paz, no que, ademais das diversas propostas que xurdiron desde o EACE e EDLG, quixemos presentar na entrada da biblioteca una selección de libros de ficción e non ficción relacionados co tema, que tamén tedes á vosa disposición no catálogo, e facendo fotografías de símbolos da paz que fixo o alumnado de Educación Primaria na biblioteca. Ademais acompañaron as imaxes con palabras o frases relacionadas co tema.

Luces, cámara...pregunta!

Neste ano continuamos co concurso "Luces, cámara...pregunta!" no que, dentro do Proxecto Documental Integrado "Un cole de cine", estamos a aprender sobre diferentes cuestións sobre o cinema. Neste mes veremos a algunhas persoas que, desde a súa profesión, contribuíron ao desenvolvemento do cinema. Nesta ocasión teredes que ordenar e emparellar as imaxes de cada persoa co seu nome, profesión e película relacionada.

A YEAR OF FILMS: Epic films

Time for epic stories: myths and legends have always been a timeless source of entertainment  both for books and films.  Since the time of silent films, we have met many corageous heroes and witnessed their heroicities. One of the most legendary actors of silent movies was sir Charles Chaplin, a passionate for epic films. In our latest session, we followed him into the 2 most fascinating British legends of all times: "Robin Hood" and "King Arthur and the sword in the stone". And we also made the most of this chance to know more about silent films.