E aquí chegou tamén outro concurso, desta vez para o alumnado do noso centro. Trátase de investigar o nome destes edificios e de escribir por que teñen ese nome.
Como o noso proxecto é "Vivir na Coruña" por suposto, estes edificios sitúanse na nosa cidade.
Así que, investigadores e investigadoras, tócavos a vós.
Este concurso, para que todos e todas poidades participar, vai por categorías:
INFANTIL: Debuxando os edificios, consultando as fotografías de guía.
1º CICLO DE PRIMARIA - 1º E 2º: Buscar o nome do edificio.
2º CICLO DE PRIMARIA - 3º E 4º: Buscar o nome do edificio, dicir que é, e dicir onde está na cidade.
3º CICLO DE PRIMARIA - 5º E 6º: Buscar o nome do edificio, dicir que é e por que recibe ese nome.
ONDE PODEDES CONSEGUIR O LIBRIÑO COAS FOTOGRAFÍAS DOS EDIFICIOS PARA RESPONDER? Pois no noso cole, na entrada, onde está o mural do noso Proxecto.
ATA CANDO PODEDES ENTREGAR AS RESPOSTAS? Pois ata o mércores 17 de decembro do 2025.
ONDE PODES ENTREGAR O LIBRIÑO COAS TÚAS RESPOSTAS? Na biblioteca a algún mestre/a do equipo de biblioteca.
RECORDA POÑER O TEU NOME, APELIDOS E CURSO.
GRAZAS A TOD@S POR PARTICIPAR!
Ningún comentario:
Publicar un comentario