Día da radio

Hoxe celébrase o Día Mundial da Radio promovido pola ONU. No noso centro vimos de por en marcha a nosa emisora Emilia na onda, na que xa podedes escoltar algún dos podcast publicados.

Escornabots para todos/as

A pasada semana Ángel Villanueva veu de publicar una actualización de  EscornaVoz, que se trata dunha aplicación para controlar o escornabot a través da voz. Este é un de varios proxectos que promoven a inclusión e a accesibilidade a distintos dispositivos, que podedes consultar na súa web Mecatrónica Lab.
No noso centro temos alumnos/as que ata agora tiñan dificultades para o uso dos escornabots e este proxecto vainos permitir achegalos a todo o alumnado e desenvolver actividades que ata agora non podiamos.

Novos Legoalimentos

Xa están publicados novos podcast do programa Legoalimentos elaborados polos nenos/as de 5º de E.P. Os episodios desta semana tratan sobre o coco, o cacao e a amora.
Continuamos aprendendo sobre os alimentos.

O movemento dos fíos

"De repente, la niña notó que su hilo la llevaba a ver a personas que se movían de diferentes formas...¿Qué divertido era!
Angélica Sátiro. La niña del hilo. Editorial Octaedro.
Miraron o movemento que xeran outros fíos: “É un mozo de madeira, un monicreque, cun fusil de asalto na man. Ten fíos porque só non se pode mover, precisa de alguén que o mova, móvese coa man dunha persoa. Incluso sen fíos, coma un robot, os humanos terían que programalo para moverse como lle mandaran. Quérenos dicir que a guerra é mala”.

VenreXperimentos

Esta semana comezamos os VenreXperimentos do segundo trimestre. En total haberá tres experiencias, queriamos que fosen no último venres de mes, pero por motivos organizativos tivemos que adiar o comezo destas actividades a esta semana.

Celebracións do Día da paz

O pasado luns celebramos o Día Escolar da non violencia e a paz. Tivemos que aprazar a celebración debido a que o 30 de xaneiro a choiva impediunos realizar as actividades previstas.

Diálogos filosóficos

O pasado venres comezaron na BiblioLab unha serie de tres sesións de Diálogos filosóficos na biblioteca e que se desenvolven paralelamente ao grupo permanente de Diálogos Hilomundos. Esta actividade está dirixida a alumnado de 2º e 3º de E.P. As próximas terán lugar o 13 e o 28 de febreiro.

Obradoiros "Cociñeiras e cociñeiros: igualdade na cociña"

Mañá continúan os obradoiros "Cociñeiras e cociñeiros: igualdade na cociña" impartidos por profesionais do ámbito da nutrición da empresa Nutriciona. Estes talleres véñense desenvolvendo os xoves e venres na BiblioLab e xa pasaron os nenos/as de Educación Infantil e as aulas de 1º e 2º de Educación Primaria.