Esta semana comezamos os VenreXperimentos do segundo trimestre. En total haberá tres experiencias, queriamos que fosen no último venres de mes, pero por motivos organizativos tivemos que adiar o comezo destas actividades a esta semana.Así, nesta primeira sesión Xogaremos coa electrostática con diversas experiencias, a próxima semana repetiremos co gallo do día de San Valentín realizando uns corazóns moi eléctricos. A última sesión do trimestre será o 27 de marzo coa construción dun electroimán.
Aínda quedan prazas libres para estas actividades, aínda que non moitas, así que bulide e ide a BiblioLab a anotarvos, divertirémonos coa ciencia!
Ningún comentario:
Publicar un comentario