Episodio 2 (T2) - Onda Ti

Despedimos o primeiro trimestre con este segundo episodio da temporada de Onda Ti. Continuamos cos relatos de terror que elaboraron as voluntarias de 6º de E.P. Inauguramos varias seccións como o noso espazo verde coa peza "El Jardín de Juanita, no que a mestra Mar Santiago explícanos este traballo que se está a facer en Educación Infantil, ademais conta coa colaboración de Angélica Sátiro. Con "4 in a year" viaxaremos en inglés polas distintas estacións do ano. Seguiremos coñecendo pandemias que afectaron á humanidade ao longo da historia, neste episodio os nenos/as de 5º de E.P. falarannos sobre "A peste negra".

Comeza a ficción radiofónica en formato de teatro lido da obra Conversando coa Emilia, a cargo da compañía Bubelas, que pasará neste primeiro episodio?

Na entrevista deste mes tivemos con nós á actriz Isabel Naveira, os nenos/as de 6º de E.P. axudarannos a coñecela mellor.

Neste mes a edición chega cargada de recomendacións, á xa habitual sección das bibliotecarias da B.M. de Los Rosales, "Na onda dos libros", incorporamos "Novos do trinque". Neste mes as libreiras de Moito Conto compartirán con nós algunhas das novidades que chegaron aos seus andeis.

Finalizaremos con "Temos unha mensaxe de..."

 

Acomodádevos no voso lugar favorito, acendede o voso dispositivo, conectade coa canle de Emilia da Onda e gozade de máis de 60 minutos de radio!