Onda Ti despídese (episodio 9)

Este domingo ás 12h. volve Onda Ti no último programa en directo desta etapa. Para despedirnos, esta semana seguiremos coas seccións da entrevista, ContamosTodos, a participación dos oíntes e "Temos unha mensaxe de..."
O domingo contaremos coa presenza de Inés Rey, alcaldesa de A Coruña, que responderá ás preguntas que nos enviedes ata o domingo. Tamén escoitaremos algunha das vosas achegas en ContamosTodos, do mesmo xeito que as recomendacións das bibliotecarias da B.M. de Los Rosales. Poderedes intervir para falar do que queirades chamando a Fala con nós! e finalizaremos con "Temos unha mensaxe de...", que ademais de escoitala, despois tamén poderedes vela nesta entrada.
No caso de querer participar a través da liña telefonica podedes contactarnos a través do noso canal de skype (bibliotecaepb@gmail.com) ao longo do programa para poder intervir na sección "Fala con nós!", irémosvos agregando ao longo da retransmisión. Tamén podedes intervir a través do chat que se habilitará cando se publique o programa.

Escucha "Onda Ti" en Spreaker.

Agardámosvos o domingo, non faltedes!