Hoxe acudiu ao centro Luis Losada de Rede Espora para formar na gravación de programas de radio aos nenos/as dun grupo de 6º de E.P. Nesta xornada o alumnado tivo tempo para investigar, organizar a información, desenvolver os coñecementos técnicos para a gravación e transmitir o seu traballo.
A xornada comezou cunha introdución teórica na que Luis explicou en que consiste o traballo nunha radio na escola e as súas posibilidades.A continuación organizáronse pequenos grupos nos que tiveron que investigar sobre unha autora galega, estruturando a información recollida de xeito que poidese ser transmitida nun programa de radio, para esta fase utilizaron libros da biblioteca e recursos de internet.
Posteriormente pasaron ao estudo de Emilia na onda, no que aprenderon a manexar a mesa, as aplicacións necesarias no ordenador e a coordinar o seu traballo co dos locutores/as. Pola súa parte estes tiveron que practicar a expresión oral dos contidos, o tono de voz, distancia aos micrófonos, coordinación cos compañeiros/as...
No próximo mes publicaremos os podcast que prepararon nesta xornada. Emilia na onda está en marcha!
Ningún comentario:
Publicar un comentario