A amizade nun libro

A pasada semana, con motivo do Día da Biblioteca, realizamos o primeiro encontro de "A amizade nun libro", no que o alumnado de primaria acompañou ao alumnado de educación infantil compartindo a lectura dun libro. Libros diversos que mediaron entre alumnado diverso. Debido ás condicións metereolóxicas a actividade desenvolveuse nos edificios de Educación Infantil e Primaria.

Paisaxes encantadas

Este curso desenvolverase no colexio o Proxecto Documental Integrado “Paisaxes encantadas”, no que investigaremos e aprenderemos sobre os bosques e montes de Galicia, aproveitando o tema tamén seguiremos achegándonos aos ODS2030. Xa está montada a exposición permanente no corredor de entrada ao centro coas obras relacionadas co tema e tamén os recursos seleccionados na web e que irán medrando ao longo do curso. Como comezo do proxectonas aulas apareceron estas caixas que contiñan un elemento natural e a pegada dun animal dos bosques e montes, que recibimos desde unha localización descoñecida xunto con este vídeo no que se nos pide axuda.

Concurso Día das Escritoras 2023

No mes de setembro presentamos o concurso de microrrelatos con motivo do Día das escritoras e que pechamos o 6 de outubro.

Nesta entrada tedes as obras seleccionadas para cada unha das categorías e a totalidade das obras presentadas ao concurso.

Lembrade que nesta lista de libros e xogos da biblioteca podedes seguir aprendendo e xogando coa escritura creativa.

Moitas grazas pola vosa participación!

BRITISH CONSUL RECEPTION

We are back! And we do it in style! The members of  BookLand and Bookworms are going to be GLOBETROTTERS this school year and travel to different English speaking countries. That´s why last Friday, the 6th of October, the British consul in A Coruña invited us to a reception. She gave a speech about the importance of reading and the possibility of visiting different places through it. Then, she provided us with the documents we will need for our trip and offered us a delicious afternoon tea with biscuits, chocolates, cupcakes... Finally she wished us a safe and happy journey. Now we are more than ready to travel the world. First place: Salem - Massachusstes - USA. Have you got your boarding pass?

                      

3º Premio Nacional aos Clubs de Lectura

Parabéns a todas as mediadoras e participantes nos Clubs de Lectura do centro por gañar, por segundo ano consecutivo, o terceiro dos Premios aos Clubs de Lectura escolares 2022-2023.

Este programa inicia a súa andaina esta semana co comezo dos clubs Viaxeiros por papel, Bolboretas Lectoras, BookLand e BookWorms. A próxima semana comezará nos recreos dos mércores o club PapaLibros.

Grazas e parabéns para todas/os!

Concurso de Microrrelatos

O próximo 16 de outubro celebraremos o Día das escritoras. Por este motivo, antes de que abramos o próximo luns 2 de outubro, queremos convidarvos a que participedes nesta edición do concurso de escritura creativa de microrrelatos. Nesta entrada tedes as bases de participación, que está aberta a toda a comunidade educativa. O texto deberá incluír a frase dunha obra de Emilia Pardo Bazán, nesta edición "...despois de merendar baixo uns castiñeiros remendados..." (Fragmento tirado do conto “So tierra”).

Tédelos que coñecer!

Seguimos preparando a apertura da biblioteca o vindeiro luns 2 de outubro. Esta semana estivemos a preparar as caixas de "Tédelos que coñecer!" Estas recomendacións ,que realiza o equipo de biblioteca e que permanece nas aulas durante todo o trimestre ,xa están chegando ás clases. Nas caixas van lecturas de ficción e non ficción, axeitadas ás idades do alumnado de cada unha das clases, ademais inclúen fondos de lectura fácil e con pictogramas para os nenos/as que necesitan de lecturas adaptadas.

 Esperamos que gocedes con estas lecturas!

Clubs de lectura e diálogos

Este curso seguimos desenvolvendo actividades relacionadas coa lectura en horario extraescolar polas tardes.

Presentámosvos os diferentes Clubs de Lectura e Diálogos Filosóficos aos que poderedes inscribirvos. A continuación tedes toda a información de cada unha destas actividades organizadas dependendo o curso no que esteades este ano.