No recreo desta mañá comezou a primeira sesión do Club de lectura que coordinará Dolores, mestra do Equipo de biblioteca, dirixido aos nenos/as de 5º de E.P. Nesta primeira sesión quixemos que alumnos/as con experiencia nesta actividade compartisen as súas vivencias, opinións e lembranzas nos clubs de lectura, por este motivo solicitamos a colaboración da biblioteca escolar do IES Salvador de Madariaga e convidamos a alumnos/as do instituto que participan dos seus propios clubs de lectura. Estes rapaces/zas xa foran antiguos alumnos do noso colexio, polo que que foi un reencontro moi especial.
A lectura nexo de unión entre alumnos/as de distintas idades e que pretendemos repetir en máis ocasións.
Desvelouse o segredo da primeira obra que inaugurará o club, trátase de "La lección de August" escrito por R.J. Palacio. O libro narra a historia dun neno de dez anos ao que coñeceremos, ademais da súa familia e dos seus amigos/as, e co que compartiremos algunhas leccións de vida. Os nenos/as participantes coñeceron e recibiron un libro cada un. A partires de agora todos os xoves os nenos/as do club de lectura falarán e opinarán sobre esta obra.
Agradecemos á Biblioteca escolar do IES Salvador de Madariaga e ás Bibliotecas Municipais de A Coruña, especialmente á B.M. de Los Rosales, o préstamo dos libros para poder levar a cabo a actividade.
Seguiremos informando!
Ningún comentario:
Publicar un comentario