A emigración galega

Hoxe, 30 de xaneiro celébrase o Día Escolar da Non violencia e a Paz, no que, ademais das diversas propostas que xurdiron desde o EACE e EDLG, quixemos promover a influencia que tivo en Galicia a emigración, no que, por motivos de guerra, económicos, entre outros, moita poboación tivo que abandonar a súa terra, como actualmente sucede noutros países ou rexións do planeta. Podedes ler algunhas das "Historias de ida e volta" do Consello da Cultura Galega.

Ademais da exposición de fondos relacionados co tema para todas as idades, o alumnado recreou diversas imaxes relacionadas coa emigración nas que tiveron que integrarse tanto nas emocións que se transmitían nelas como na indumentaria. Nesta entrada iranse publicando as fotografías que se vaian realizando.

Mañá ás 12h recibiremos na biblioteca ao Premio Nacional de Literatura Xesús Fraga, na que nos falará de primeira man do que supuxo e do que supón a emigración en Galicia, mañá activarase unha entrada na que se poderá seguir o encontro en directo. O alumnado de 6ºEP faralle unha entrevista no estudio de radio de Emilia na Onda.

 

ÁLBUM DE IMAXES