Luces, cámara...pregunta!

Neste ano continuamos co concurso "Luces, cámara...pregunta!" no que, dentro do Proxecto Documental Integrado "Un cole de cine", estamos a aprender sobre diferentes cuestións sobre o cinema. Neste mes veremos a algunhas persoas que, desde a súa profesión, contribuíron ao desenvolvemento do cinema. Nesta ocasión teredes que ordenar e emparellar as imaxes de cada persoa co seu nome, profesión e película relacionada.

Este concurso da biblioteca está dirixido ao alumnado de Educación Primaria, para poder participara haberá que recoller a folla de respostas nos espazos da biblioteca.

A forma de participar dependerá no curso no que esteades, así:

Recoller a folla de respostas na biblioteca ou biblioLab.
O alumnado de 1º e 2º terá que ordenar os nomes e apelidos das personaxes.
O alumnado de 3º e 4º terá que ordenar os nomes e apelidos das personaxes e dúas profesións de cada personaxe.
O alumnado de 5º e 6º terá que ordenar nomes e apelidos das personaxes, dúas profesións de cada personaxe e a película relacionada con cada un.

As follas de respostas con faltas de ortografía quedarán eliminadas.
O prazo para participar neste concurso será ata o venres 31 de xaneiro.
Cada alumno/a entregará a folla de respostas na caixa de suxestións da biblioteca, comprobando que todos os datos estean cubertos (non se admitirán follas de participación sen o nome, primeiro apelido, curso e grupo).
O alumnado que completou as respostas correctamente  levará agasallo da biblioteca feito coa impresora 3D.
A información poderá atoparse no corredor de entrada do colexio.