"Non hai homes nin mulleres: hai humanidade"

Esta foi a frase de Emilia Pardo Bazán escollida polo equipo de EACE para resaltar, na entrada do noso centro, o 25N, Día contra a violencia de xénero. Neste día, que foi proclamado pola ONU desde o ano 2000, trátase de denunciar a violencia que sufren as mulleres en todo o mundo.

¿Sabías que foi Emilia Pardo Bazán quen creou a palabra "mullericidio" en 1901?

Nun artigo de La Ilustración Artística, publicado en 1901, a autora coruñesa escribe: "El mujericidio siempre debería reprobarse más que el homicidio. (...)El abuso de poder, ¿no es circunstancia agravante? Cuando matan a mansalva, a la mujer, ¿no debería exigírseles más estrecha cuenta? Y sin embargo, los anales de la criminalidad abundan los mujericidios, impunes muchas veces, por razones especiosas, mejor dicho, por sofismas que sirven para alentar el crimen" (Prólogo de "El encaje roto")

Este ano o lema escollido pola ONU é "Pinta o mundo de laranxa:¡financiar, responder, prevenir, recompilar!". A través da ligazón podedes acceder a diversos recursos e a información moi interesante.

O equipo de biblioteca quíxose sumar ás iniciativas acompañando á exposición permanente de fondos relacionados co PDI Paseando con Emilia, cunha recompilación de libros que fomentan a igualdade e a visibilización do labor das mulleres. Resaltamos entre todos "El encaje roto. Antoloxía de contos de violencia contra as mulleres", escolla de contos de Emilia Pardo Bazán realizada por Cristina Patiño Eirín.