O pasado mes comezamos o club de lectura de ficción dixital ENRE2 EPB, no que nos achegaremos a obras adaptadas ás idades dos nenos/as e que pola súa calidade merecen ser coñecidas e desfrutadas. Comezamos por
GNOG creado por
Samuel Boucher, coa banda sonora de
Marskye e producida por
KO_OP. Ademais de dialogar sobre as nove cabezas robóticas que compoñen o xogo, e que teñen cadansúa historia detrás, tamén crearon o seu propio nivel do xogo, que xuntaron a aquelas imaxes que lles chamaron a atención durante a experiencia.
Na sesión de hoxe coñecimos
Botanicula, unha obra de
Amanita Design e coa banda sonora de
DVA. Primeiro falamos sobre os obxectivos da sesión e logo xogamos, posteriormente falamos sobre a narrativa que nos propón, sobre as personaxes que se nos presentan e tamén sobre a experiencia de xogo, na seguinte remataremos os niveis que o compoñen, ademais da creación artística que comezamos.
GNOG
Botanicula
Nas evaluacións de cada sesión podedes observar que estes xogos son do gusto das nenas e nenos, merecen ser coñecidos e xogados. Este é un dos obxectivos do club, ademais da alfabetización no ámbito da ficción dixital.Seguimos avanzando!
Ningún comentario:
Publicar un comentario