Halloween horror

Hello bookworms,

What a spooky session we had last Friday! It was scary, but just a little bit, not too much. We learned about the Salem trials in 1692 and we met Abigail Cross, a "nice" lady. Now it is your turn to finish reading the story "Halloween horror". Please remember to complete the questionnaire below, so that we can know more about your taste in reading. Thanks a lot.

Here is a memory of this memorable and terrifying day. Just click on the link to watch some photos.
Happy Halloween!!!



http://www.kizoa.com/Movie-Maker/d299551447k8165306o1l1/HALLOWEEN HORROR - 25th October 2019

Software para encuestas

O día da biblioteca

A Asociación Española de Amigos del Libro Infantil y Juvenil en 1997 quixo lembrar o incendio da Biblioteca de Saraxevo en 1992 para homenaxear e resaltar o valor da bibliotecas, por este motivo o 24 de outubro celébrase o Día da biblioteca. Este ano o Ministerio de Cultura e Deporte súmase á celebración deste día coa iniciativa "Aptas para todos os públicos. Coa igualdade de xénero".

No pregón deste ano titulado "A sen conto", elaborado por Gemma Pasqual e traducido por Héctor Cajaraville, unha nena fai un recorrido ata chegar ao refuxio máis fermoso.

A biblioteca EPB e todo o CEIP Emilia Pardo Bazán organizou unha xornada de apadriñamento lector no que os nenos de maior idade de primaria léronlle un conto, recitaron unhas poesías, aprenderon sobre algún tema e descubriron as sorpresas que se agachan nos libros aos nenos de Educación Infantil e a 1º de E.P., os nenos/as de 2º de Primaria leron obras entre os tres grupos. Como di o lema das Bibliotecas Escolares de Galicia un bo exemplo de "Biblioteca escolar, viveiro de cidadanía."

Scary Book Club

Hello bookworms,

Our Book Club is about to start. The first session will take place next Friday, the 25th of October, in the school library. Aren´t you excited?

Halloween is around the corner and that´s why our next reading will be "Halloween horror", a story related to witches and spooky parties, with some scary surprises. Have you ever heard of a Northamerican city called Salem? Do you know what happened there in 1692? Have a look at this video to get informed and be ready for a terrifying session nex Friday, 25th of October, if you dare. Don´t be a scaredy-cat...

And remember to complete the survey after reading the story. Thanks!!!

 

  Software para encuestas

Diálogos na biblioteca

O venres 18 de outubro, un grupo de 4º e 5º de E. Primaria, comezou a participar na proposta de dialogar na biblioteca empregando como bibliografía de base o libro: Angélica Sátiro. “La niña del hilo”. Editorial Octaedro. O tema central foi o xogo.

Para eles e elas, xogar individualmente ou en grupo, é “pasar o tempo sen aburrirse mentres facemos cousas que nos gustan” (entre elas “falar cos compañeiros e ler libros”). Dáballes moita mágoa non poder adicar máis tempo a esta actividade, e dicían que “os compromisos familiares e escolares deben ser o primeiro” aínda que non moi convencidos/as xa que tanto o tempo de escola como de xogos son situacións de aprendizaxe, afirmando que o único que cambia é a metodoloxía.

O club de lectura comeza a súa andaina

No recreo desta mañá comezou a primeira sesión do Club de lectura que coordinará Dolores, mestra do Equipo de biblioteca, dirixido aos nenos/as de 5º de E.P. Nesta primeira sesión quixemos que alumnos/as con experiencia nesta actividade compartisen as súas vivencias, opinións e lembranzas nos clubs de lectura, por este motivo solicitamos a colaboración da biblioteca escolar do IES Salvador de Madariaga e convidamos a alumnos/as do instituto que participan dos seus propios clubs de lectura. Estes rapaces/zas xa foran antiguos alumnos do noso colexio, polo que que foi un reencontro moi especial.

A lectura nexo de unión entre alumnos/as de distintas idades e que pretendemos repetir en máis ocasións.

Mochilas viaxeiras

As mochilas viaxeiras de 5º de E.P. iniciaron a súa viaxe o pasado luns. Para cada grupo preparamos dous lotes compostos por libros de narrativa, cómic, poesía, libro con música, un libro para compartir en familia relacionado co PDI "Sabor e saber", un libro en inglés, unha revista e un caderno no que calquera membro da familia pode expresar aquilo que crea convinte, que estea relacionado coas obras que contén a mochila ou coa a propia actividade. Tratamos de que houbese obras tanto en galego como en castelán.

Este é o segundo curso que desenvolvemos esta actividade, polo que os cadernos xa viaxaron polas casas durante o curso pasado, deste xeito poderedes ler o que lles pareceu a eles a experiencia.

Agardamos que vos gusten!

Día da alimentación

O 16 de outubro celebramos o Día mundial da alimentación, aproveitamos este día para anunciar o comezo do Proxecto Documental Integrado "Sabor e saber", no que investigaremos sobre a importancia da alimentación para a saúde, tanto do noso corpo, como do planeta. As aulas de Educación Infantil xa comezaron desenvolvendo o proxecto de alimentación saudable con distintas actividades na aula.

Xa estamos aquí!

Photo by Alex Holyoake on Unsplash

Hoxe abriron as portas dos dous espazos que ten a biblioteca no centro, tanto no segundo andar, como na planta baixa xa podedes gozar da lectura dos distintos tipos de textos que atoparedes como informativos, poesía, contos, cómic, entre outros, pero tamén podedes crear contos, utilizar os audiolibros, os xogos de mesa, os robots, construír, crear, desenvolver actividades artísticas e sensoriais... en definitiva, tedes á vosa disposición numerosos recursos que favorecen a aprendizaxe.

Radio na biblio

Vía Asesoría de Bibliotecas escolares
© Asesoría de Bibliotecas escolares

A pasada semana recibimos a noticia da inclusión do colexio no programa Radio na Biblio. Con este proxecto, que poñeremos en marcha durante este curso, queremos  crear a radio escolar do centro desde a biblioteca. Nos próximos meses o equipo de mestres/as formarase para poder realizar actividades co alumnado e desenvolver o programa previsto.

Con esta nova liña de traballo desde a biblioteca queremos favorecer a expresión oral e escrita, dar difusión aos traballos de investigación que desenvolva o alumnado do centro, ademais de fomaentar as "alfabetizacións múltiples".

Bibliotecas creativas

Vía Blog de bibliotecas escolares

© Asesoría de bibliotecas escolares

Hoxe recibimos unha boa nova, xa que o CEIP Emilia Pardo Bazán, foi un dos 25 novos centros seleccionados para participar na convocatoria deste curso de Biblioteca creativa, programa co que se pretende "apoiar a cultura da experimentación e da investigación, da robótica e da linguaxe de programación nas bibliotecas dos centros públicos que matriculan alumnado de infantil e primaria e que están integrados no Plan de mellora de bibliotecas escolares no presente curso 2019/2020."

Acollemos esta resolución con ledicia e traballaremos para seguir desenvolvendo estas novas linguaxes a través da biblioteca.

Diálogos filosóficos Hilomundos

Vía Blog Bibliotecas escolares
BY Óscar Villán
© Asesoría de Bibliotecas Escolares

O lema deste curso das Bibliotecas Escolares de Galicia é "Biblioteca escolar, viveiro de cidadanía". Nesta imaxe creada por Óscar Villán quedan representados algúns dos obxectivos que se nos mencionan desde o blog de Asesoría de Bibliotecas Escolares, como son que "a biblioteca escolar poida facilitar o diálogo, a lectura crítica, a reflexión, o acceso ao coñecemento, o pensamento, a investigación, a experimentación, a creación, a comunicación, a adquisición de competencias útiles para a vida e para a convivencia, para o desenvolvemento académico e persoal, para unha participación activa nunha sociedade máis xusta e igualitaria."

A actividade que vos presentamos cremos que cumpre con moitos destes obxectivos, xa que a través dos diálogos filosóficos na biblioteca queremos que o alumnado desenvolva a capacidade dos nenos/as para pensar por si mesmos, converterse en persoas máis razoables e cidadáns máis particpativos compartindo as súas ideas e opinións a través do diálogo.

Diálogos filosóficos Hilomundos na biblioteca será un grupo permanente de nenos/as de 5º e 6º de E.P. que tratarán de acadar eses obxectivos nas sesións que se desenvolverán ao longo do curso. A continuación vos deixamos a folla de inscrición onde se recollen as condicións de participación, o calendario de sesións e o horario.