mércores, 28 de novembro de 2018

Ciencia en familia

Hoxe visitaron a Biblioteca e a BiblioLab nais e pais de alumnos/as do centro para compartir distintas actividades cos nenos/as de distintos cursos.

Unha receita de Slime

Esta semana Mía, alumna do centro, presentou unha receita para elaborar slime con ingredientes cotiáns.

venres, 23 de novembro de 2018

Experimentamos coa electricidade

Segundo VenreXperimentos no que nos propuxemos aprender a través da experimentación coa electricidade. A través de seis retos, os nenos/as de distintos grupos de 4º, 5º e 6º de E.P. estiveron realizando circuítos eléctricos básicos.

luns, 19 de novembro de 2018

EPB Book Club

Compartimos con vós a información referida ao club de lectura en inglés que se desenvolverá na Biblioteca os últimos venres de cada mes. Esta actividade está dirixida ao alumnado e 6º de E.P. Para máis información podedes consultar o seguinte documento, no que se explicitan as datas previstas e se detallan algúns aspectos sobre o seu desenvolvemento.

Montamos escornabots

VenreXperimentos celebrou a súa primeira xornada o pasado venres no que un grupo de nenos/as de 4º e 5º de E.P. montaron cadanseu robot escornabot, que quedará na BiblioLab para que todos poidamos aprender e xogar con eles.

luns, 12 de novembro de 2018

Novembro mes da ciencia en galego

Durante este mes celébrase o mes da ciencia en galego. Este programa promovido pola Asesoría de Bibliotecas Escolares de Galicia e pola Consellería de Cultura consiste en fomentar a vocación científica a través da lectura entre os nenos/as.
Neste curso o manifesto asínao Luís Navarro, profesor titular da Facultade de Bioloxía da Universidade de Vigo.

Libros que veñen e van

Hoxe saíron as mochilas de 5º de E.P., ao tempo que volvían as de Educación Infantil. Varios nenos/as gozarán da lectura dos libros que contén cada unha das mochilas. Queremos que compartan as experiencias da lectura en familia do contido, por iso tamén están acompañados dun caderno no que se recollerán as opinións, debuxos ou calquera comentario que vos apeteza comunicar.

venres, 9 de novembro de 2018

Libros que viaxan

Este venres volveron saír ás casas dos nenos/as as mochilas viaxeiras en Educación Infantil, dúas acompañadas da bolsa cos escornabots. O próximo luns comezarán a súa viaxe as de 5º de E.P. que permanecerán no fogar dos alumnos/as un pouco máis de tempo.

martes, 6 de novembro de 2018

Dialogamos?

Esta tarde comezaron as sesións de Diálogo Filosófico na biblioteca. Os 15 nenos e nenas de 1º e 2º de E. Primaria que asistiron, participaron, expresáronse e profundaron nas súas Habilidades de Investigación, Conceptualización, Razoamento e Tradución.

luns, 5 de novembro de 2018

Formación de usuarios/as

A semana pasada realizamos as sesións de formación para os nenos/as de 5º e 6º de E.P. que forman parte do Equipo de voluntarios/as e que comezan mañá o seu labor na Biblioteca e na BiblioLab, en próximos días publicaremos o calendario.

Obradoiro de encadernación

O pasado mércores 31 os nenos/as de 6º de Educación Primaria compartiron cos membros de AFEXDI que acudiron ao centro unha xornada na que os libros foron os protagonistas. Deste xeito preinauguramos a biblioteca neste curso.