BOOK CLUBS: We are back

Bookland and Bookworms are back! One more year we will live amazing adventures and we will discover new people and places throughout our readings. Under the title "My hometown", we will visit different places of our lively town related to its English past. Besides, a historical figure will guide us in this amazing tour, such as the great sir John Moore, a British general who died in the Battle of Corunna in 1809. He has led us today to the romantic Gardens of St. Carlos to  present us 2 books: "Halloween horror", by Gina BD Clemen, and "Maggie and Max visit the haunted castle"by Gabriella Coates. He has also challenged us to find his lost treasure: a chest full of gold coins and... guess what? we have already found the first one! If we succed in all the challenges, we will take the lost keys of Coruña back, which are in a Welsh museum. Did you know that?

Please take a look at the infographic we have prepared  and also to the video that Lilí, our favourite librarian, has sent us. You cannot miss it! 

Are you ready for a tour around our English past? Then read, read, read and enjoy! Let´s go!!!

Apertura de inscrición aos Clubs de Lectura e Diálogos Creativos

Este curso seguimos desenvolvendo actividades relacionadas coa lectura, o pensamento computacional e o pensamento creativo en horario extraescolar polas tardes.

Presentámosvos os diferentes Clubs de Lectura e Diálogos aos que poderedes inscribirvos o alumnado de 4ºEP, 5ºEP e 6ºEP. A continuación tedes toda a información de cada unha destas actividades organizadas dependendo o curso no que esteades este ano.

Esta preinscrición deberá confirmarse coa entrega do formulario de inscrición que vos  entregará a mestra mediadora dos respectivos clubs. 

Esta entrada actualizarase periodicamente para informar dos clubs que esgotaron xa as súas prazas.

XA ESTAMOS DE VOLTA !

Xa estamos de volta para o curso 2025 - 2026. 

E como xa é costume, celebramos o 1º día da volta ao cole con diferentes actividades, sendo unhas destas o recuncho de lectura, o de xogos de lóxica e creativos, e tamén o espazo de realidade aumentada. 

Aquí vos deixamos unhas fotografías do que vivimos este pasado luns. 

Mentres tanto, a biblioteca estase a preparar e organizar para poder abrir as súas portas o próximo luns 13 de outubro. Mentres tanto, tedes as bibliotecas de aula con libros moi interesantes e pronto chegarán as caixas trimestrais de "Tédelos que coñecer!" cunha variedade de libros que fará que estas semanas pasen máis rápido.

Estas semanas e as próximas semanas levaranse a cabo as formacións de usuarios dos grupos de voluntarios/as da biblioteca, do profesorado e do alumnado de nova incorporación para que todos e todas poidamos coñecer o funcionamento da biblioteca.

E non esquezades que este luns 15 de setembro ás 20:00 tedes unha tarefa: INSCRIBIRVOS NOS CLUBS DE LECTURA E DIÁLOGOS DA BIBLIOTECA!!!

En verán libros e cine

Presentamos a guía de lectura de verán, na que propoñemos libros que consideramos interesantes e  pensamos que vos servirán para divertirvos e aprender durante o verán. Atoparedes obras para todos os niveis de lectura. Están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Tamén incluímos as recomendacións dos xogos dos que desfrutamos no club de lectura de ficción dixital ENRE2 EPB.

Episodio 3 de Onda Ti

Remata a 6ª temporada de Onda Ti gravada integramente no novo estudio. Neste último programa do curso poderedes escoitar en primicia os audios das diversas seccións do programa e, ademais, a música do Coro das emocións. Preparados para desfrutar de case 90' de radio?

Leóns Dourados 2025

Como xa é tradicional desde hai moitos anos a biblioteca entregou hoxe o Diploma "Leóns Dourados", xunto a outros agasallos, ao alumnado de cada nivel que levou emprestados máis libros durante o curso. Así, alumnado que vai cada semana co seu titor/a a escoller os libros de ficción e non ficción nos espazos da biblioteca e que tamén acude nos recreos para levar para as súas casas os seus libros preferidos e outros que agardan ser descubertos, foi sumando préstamos ao longo do curso.

Parabéns a todas as nenas/os premiados e moitas grazas ao alumnado e profesorado do centro por manter viva a nosa biblioteca!

Os nosos pensamentos en luces led

DIÁLOGOS FILOSÓFICOS é unha actividade extraescolar mensual na que o alumnado de Educación Primaria dialoga entre si, compartindo e argumentando os seus puntos de vista sobre a vida que lles e nos rodea.

Como di Irene de Puig, quen foi ata a súa xubilación directora do GrupIREF (Grupo de Innovación e Investigación polo Ensino da Filosofía), non se trata de que logren convencer aos seus compañeiros e compañeiras para que copien o seu estilo de vida, pero tampouco é un simple falar por falar. Este diálogo supón facer o esforzo necesario para que outras persoas poidan comprender, con claridade e consistencia, o que de verdade pensan.

Familias e lectura

Hoxe finalizamos dous programas como son "Biblioteca e Familias" e os Clubs de lectura co acto no que Pablo Díaz fixo unha actividade de animación a lectura contándonos uns contos e combinando coa súa música.