No espazo da biblioteca na planta baixa de luns a venres os voluntarios/as da biblioteca desenvolverán en cada recreo sesións de contacontos dirixidas ao alumnado de 1º, 2º e 3º de EP. Nas horas de ler poderán acceder a estes contacontos os grupos de Educación Infantil.
No espazo BiblioLab haberá diversos obradoiros durante a semana:
O luns leremos unha obra de ficción dixital no monitor.
O martes e o mércores realizaremos e construiremos uns marcapáxinas personalizados.
O xoves poderedes escoller, dos libros de poesía que teredes á vosa disposición, os poemas que máis vos gustan, escribilos e decoralos na cristaleira.
O venres poderedes gravar audiolibros das obras que escollades no estudio de radio.
Tanto na biblioteca como na bibliolab poderedes escribir os vosos libros favoritos nos modelos que vos facilitaremos e que formarán parte da gran árbore que queremos montar coas vosas achegas.
Tamén celebraremos a terceira, e última, sesión deste curso da "A amizade nun libro" o xoves 25 de abril.
Esperámosvos!
Ningún comentario:
Publicar un comentario