Mergúllate nos libros!

Aquí tedes recén saída do forno a guía de lectura do mes de decembro, na que propoñemos libros relacionados cos mares e océanos, continuando co desenvolvemento do PDI Mergúllate! Atoparedes obras para todos os niveis de lectura, de ficción e de non ficción. Lembrade que están clasificados igual que na biblioteca, os de fondo azul son para prelectores, vermello para primeiros lectores, verde para lectores autónomos e amarelo para lectores expertos. Incluímos dous libros para adultos de Emilia Pardo Bazán para pechar o ano do centenario da súa morte.

Nesta ocasión as imaxes que utilizamos son de Manuel, mestre do colexio, ao que podedes seguir na súa conta de Instagram @mgseoane para poder ver as espectaculares fotografías que tira.

Todos os libros están expostos na entrada da biblioteca e agardarán polos lectores/as nas primeira semana de xaneiro á volta destas vacacións, aínda que se non queredes esperar poderedes atopalos nas bibliotecas municipais e noutras bibliotecas públicas, compralos nas librarías ou mesmo incluilos como peticións nas cartas que escribades. Ben sexa con estes ou con outras obras non esquezades mergullarvos nos libros estas vacacións!