Our Book Club returns

      

¿Preparados para retomar o noso Book Club  desde a distancia?

Reunirémonos por videochamada todos os martes ás 10:00 (6º Primaria) e ás 11:00 (5º Primaria). A reunión durará 30-40 minutos aproximadamente.  A primeira reunión celebrarase o vindeiro martes, 5 de maio.

Os títulos escollidos, que poderedes atopar a través dun enlace, son:

"Robinson Crusoe" (6º de Primaria)

"The secret of the stones" (5º primaria). 

Antes da reunión, leremos un capítulo cada semana na casa, que comentaremos o día da videochamada. Son moi curtos e doados de ler, non vos leva máis de 5-10 minutos. Para o próximo martes, lede a introdución e o capítulo 1 do libro que vos corresponda.  

Tedes toda a información na axenda e-Dixgal, así como os enlaces á reunión e aos libros de lectura.

Welcome back, my dear Bookworms!!!   

An adventure  and a mystery are waiting for us!!!

Alimentos de papel

No desenvolvemento do PDI "Sabor e saber" realizamos na BiblioLab distintos obradoiros que pretendían achegar información sobre os alimentos desde distintas perspectivas. Xa vos presentamos anteriormente Volcán ácedo, Legoalimentos e Alimentos con enerxía. Quedábanos por mostrarvos Alimentos de papel, xa que foi o que menos sesións tiñamos desenvolvidas ata o momento.

Club de lectura

O próximo xoves volvemos a abrir as portas virtuais do Club de Lectura.
Aínda que sexa na distancia queremos reanudar o diálogo a través dos libros e da lectura.
Na sesión do xoves desvelaremos a seguinte lectura e quizais haxa unha pequena sorpresa.
Agardamosvos!

Onda Ti episodio 5

Este domingo ás 12h. volve OndaTi, o programa en directo de Emilia na Onda no que queremos estar cerca de ti, que nos acompañedes coas vosas voces, coas vosas opinións... e máis nestes momentos nos que estamos lonxe de vós. Esta semana seguiremos coas seccións da entrevista, ContamosTodos, a participación dos oíntes e "Temos unha mensaxe de..."

Día Mundial do Libro e o Dereito de Autor: lemos O Principiño

Hoxe celebramos o Día Mundial do Libro e o Dereito de Autor no que queremos reivindicar o libro nos diferentes formatos nos que podemos atopalo. Todos/as temos libros que apareceron nas nosas vidas e aí seguen, outros pasaron deixando algo deles en nós, algúns permanecen agardando a nosa volta e moitos agardan nos andeis das librarías ou bibliotecas, máis tamén nos andeis virtuais da rede, xa que o libro mudou nalgúns aspectos, pero no fundamental non, porque seguimos aprendendo, divertíndonos, compartindo, viaxando... En definitiva, non deberiamos concebir a nosa vida sen os libros.
Queremos tamén resaltar as iniciativas da Asesoría de Bibliotecas Escolares de Galicia na que propoñen reivindicar un libro, un autor/a e unha libraría, tan importantes e que necesitarán toda a nosa axuda proximamente. Así como a das Bibliotecas Públicas Municipais coa súa proposta "Mollámonos polo libro" na que podedes reponder á pregunta"Como te mollas ti polo libro?" utilizando #mollamonospololibro.

O vosos marcapáxinas

Nesta entrada recompilamos os marcapáxinas dos nenos/as que quixeron compartir con todos/as as súas creacións.

Semana do Libro - Papiroflexia para non perderse

Dentro da celebración do Día do Libro deixámosvos unha serie de propostas que nos achegaron desde o Equipo de Actividades Extraescolares e Complementarias para elaborar os vosos propios marcapáxinas, para que cando utilicedes os libros en papel non perdades a páxina na que estabades.
Se vos animades a facer algúns dos desta entrada ou outro que faga alusión ao Día do libro podedes enviarnolos á dirección de correo bibliotecaepb@gmail.com e os publicaremos noutra entrada neste blog.
Agardamos que vos gusten!

Onda Ti episodio 4

Este domingo ás 12h. volve OndaTi, o programa en directo de Emilia na Onda no que queremos estar cerca de ti, que nos acompañedes coas vosas voces, coas vosas opinións... e máis nestes momentos nos que estamos lonxe de vós. Esta semana seguiremos coas seccións da entrevista, ContamosTodos e a participación dos oíntes.

Semana Do Libro: As pasaxes favoritas

Nesta entrada presentaremos a lectura das pasaxes dos libros que vos arcaron ou que vos gustan dun xeito especial. Atentos/as que seguro que atopamos moitos tesouros!

Semana do libro

O próximo 23 de abril celébrase o Día Internacional do libro e do Dereito de autor. Desde a Asesoría de Bibliotecas Escolares de Galicia deixannos como agasallo un díptico e un texto de Manuel Gago para celebrar este día.
A próxima semana queremos que sexa a Semana do libro no CEIP Emilia Pardo Bazán na que desenvolveremos distintas actividades, ás familias propoñémosvos participar nestas:

Onda Ti episodio 3

Este domingo ás 12h. volve OndaTi, o programa en directo de Emilia na Onda no que queremos estar cerca de ti, que nos acompañedes coas vosas voces, coas vosas opinións... e máis nestes momentos nos que estamos lonxe de vós. Esta semana seguiremos coas seccións da entrevista, ContamosTodos e a participación dos oíntes.

Onda Ti Episodio 2

Este domingo ás 12h. volve OndaTi, o programa en directo de Emilia na Onda no que queremos estar cerca de ti, que nos acompañedes coas vosas voces, coas vosas opinións... e máis nestes momentos nos que estamos lonxe de vós. Esta semana seguiremos coas seccións da entrevista, ContamosTodos e a participación dos oíntes.

Día do libro Infantil e Xuvenil

Mañá, 2 de abril, celébrase o Día Internacional do Libro Infantil e Xuvenil promovida polo Ibby. A data desta celebración coincide co nacemento de Hans Christian Andersen e celébrase desde 1967 co obxectivo de espertar o gusto pola lectura desde a infancia. Iniciativas como o concurso que organiza Galix serven para poñer en valor a literatura infantil e xuvenil, tedes de prazo ata o venres 10 de abril.
Desde a biblioteca queremos propoñervos a todas as familias que nos enviedes un "bookface". Esta actividade consiste en coller unha cuberta ou portada dun libro infantil ou xuvenil e fundirse con ela, e dicir, substituír o voso rostro ou parte do corpo coa imaxe da cuberta do libro, neste caso queremos amplialo tamén ás páxinas interiores do libro, se utilizades este último método indicaredes tamén o título e autor/a da obra. A través deste xogo queremos  promocionar a lectura destes libros infantís e xuvenís a través das vosas propias recomendacións.