Documental "O noso oceanográfico"

Hoxe é o Día Mundial dos océanos, xornada na que finalizamos o Proxecto Documental Integrado Mérgullate! No mes de outubro comezamos o traballo de investigación que desenvolveu todo o centro ata este mes de xuño. Aprendemos sobre fauna e flora mariña, a influencia dos mares e océanos na arte, que deportes se poden practicar neles, eventos na historia e algúns descubrimentos, a tecnoloxía que está a ser utilizada, seres mitolóxicos, entre outros moitos aspectos, como poderedes comprobar a continuación. Os ODS foron tamén un punto importante durante o curso e queremos ser partícipes da Axenda 2030.

Gustarianos presentarvos todo o que aprendemos de xeito presencial, compartindo unha xornada con toda a comunidade educativa, pero xa sabedes que as restricións de mesturar grupos e a cantidade de persoas que podían acceder ao centro, que se establecían no protocolo sanitario, levantáronse hai poucas semanas, e planificar un evento destas características precisaba dun período de tempo maior, polo que, como tiñamos previsto, presentámosvos o Documental "O noso oceanográfico", no que o alumnado explica parte do traballo e aprendizaxes que realizaron durante o curso, porque uns dos aspectos máis importantes deste tipo de proxectos é compartir coñecemento, aprendizaxe entre iguais e que todos os nenos/as saiban e coñezan sobre o que investigaron os demais, facer partícipes a toda a comunidade educativa do esforzo e tratamento da información que se fixo.

Aproveitamos a ocasión tamén para presentar a web do proxecto na que iremos pendurando diversos traballos que se foron realizando durante o curso.

Grazas a todos/as por mergullarvos con nós!