Queremos agradecer a todas as familias que participaron na enquisa de valoración do labor ao longo do curso do equipo de biblioteca.
Na sesión de diálogos filosóficos do venres 10 de maio estivemos falando sobre o medo e aquilo que o causa. Para finalizar debuxaron unha escena na que non había medos, nas obras que crearon sobre todo había ledicia.
Xa está próximo a rematar un dos libros interactivos cos contos do cole nos que se combina a narración oral e escrita, a ilustración e a linguaxe con pictogramas. Durante estes meses os alumnos de 3ºC de E.P. estiveron elaborando uns contos con e para a súa compañeira Nerea, pero que poderán gozar deles todo o alumnado do centro.
En abril, durante a semana do libro, desenvolvemos distintas iniciativas, entre as que destacamos a exposición dos libros que marcaron aos mestres/as dalgún xeito, ben porque foron os seus preferidos cando tiñan a vosa idade ou porque tiveron moita importancia nalgún momento da súa vida, quedou unha selección ben xeitosa!